عمران خان نے یراعظم نو اور ان کے بچوں کے خلاف فوجداری مقدمات درج کرنے کا مطالبہ کردیا

شریف خاندان نے سپریم کورٹ اور جے آئی ٹی میں جھوٹ بولا اور جعلی دستاویزات دیں، تحریک انصاف کے چیئرمین کا اجلاس سے خطاب

پیر 17 جولائی 2017 20:36

عمران خان نے یراعظم نو اور ان کے بچوں کے خلاف فوجداری مقدمات درج کرنے ..

اسلام آباد (اُردو پوائنٹ اخبارتازہ ترین - آئی این پی۔ 17 جولائی2017ء) پاکستان تحریک انصاف کے چیئرمین عمران خان نے وزیراعظم نواز شریف اور ان کے بچوں کے خلاف فوجداری مقدمات درج کئے جانے کا مطالبہ کرتے ہوئے کہاکہ شریف خاندا ن نے سپریم کورٹ اور جے آئی ٹی میں جھوٹ بالا اور جعلی دستاویزات دیں۔

(جاری ہے)

وہ پیر یہاں ایک اجلاس کی صدارت کررہے تھے جس میں سپریم کورٹ میں پانامہ پیپرز عملدر آمد کیس کی ہونے والی سماعت پر بات چیت ہوئی اور پانامہ کیس سے متعلق آئندہ کی حکمت عملی طے کرلی گئی۔

اس موقع پر چیئرمین تحریک انصاف عمران خان نے کہا کہ شریف فیملی کے پاس اپنے دفاع میں کہنے کو کچھ نہیں، انہوں نے سپریم کورٹ اور جے آئی ٹی میں جھوٹ بولا اور جعلی دستاویزات دیں، نواز شریف اور بچوں کے خلاف فوجداری مقدمات درج ہونے چاہئیں۔ انہوں نے کہا کہ شریف فیملی نے مفروضوں کی بنیاد پر جے آئی ٹی رپورٹ چیلنج کی۔