وفاقی وزیر داخلہ چوہدری نثار علی خان کو پشاور میں ایف سی اہلکاروں پر خود کش حملے کی ابتدائی رپورٹ پیش

تحقیقات کے نتیجے میں سامنے والی تفصیلات سے میڈیا کو آگاہ کیا جائیگا

پیر 17 جولائی 2017 21:11

اسلام آباد (اُردو پوائنٹ اخبارتازہ ترین - این این آئی۔ 17 جولائی2017ء) وفاقی وزیر داخلہ چوہدری نثار علی خان کو پشاور میں ایف سی اہلکاروں پر خود کش حملے کی ابتدائی رپورٹ پیش کر دی گئی ،ْ تحقیقات کے نتیجے میں سامنے والی تفصیلات سے میڈیا کو آگاہ کیا جائیگا ۔ پیر کو پشاور کے علاقے حیات آباد میں ایف سی گاڑی کو نشانہ بنائے جانے کے واقعہ میں ایف سی کے افسر میجر جمال شہید اور چار اہلکار زخمی ہوئے ۔

(جاری ہے)

وفاقی وزیر داخلہ چوہدری نثار علی خان نے شہید کے درجات کی بلندی کے لیے دعا اور متاثرہ خاندانوں سے ہمدردی کا اظہار کیا ۔وزارت داخلہ کے ترجمان کے مطابق وزیر داخلہ چوہدری نثار علی خان کو پشاور میں ایف سی اہلکاروں پر خود کش حملے کی ابتدائی رپورٹ پیش کر دی گئی رپورٹ میں کہاگیا کہ واقعہ کی تفتیش جاری ہے تاکہ اس بات کا تعین کیا جا سکے کہ خودکش حملہ آور کون تھا اور وہ کہاں سے آیا۔ترجمان کے مطابق تحقیقات کے نتیجے میں سامنے آنے والی تفصیلات سے میڈیا کو آگاہ کیا جائے گا۔