روس اور ایران کے درمیان واضح دٴْوری پیدا ہو چکی ہے،امریکی میڈیا کا دعویٰ

ایران اور حزب اللہ کو چھوڑنے کے لیے روس کا بشار الاسد پر دباؤ،مگریہ آسان نہیں ہوگا،رپورٹ

جمعرات 20 جولائی 2017 13:45

روس اور ایران کے درمیان واضح دٴْوری پیدا ہو چکی ہے،امریکی میڈیا کا ..

ماسکو(اُردو پوائنٹ اخبارتازہ ترین - این این آئی۔ 20 جولائی2017ء) امریکی اخبار واشنگٹن ٹائمز کی رپورٹ میں کہا گیا ہے کہ حزب اللہ تنظیم اور شامی حکومت کے درمیان طویل تعلقات کو جنگ اور دونوں کی حکمت عملی کی وجہ سے واضح طور پر دراڑوں کا سامنا ہے۔ ادھر روس کی جانب سے بشار الاسد کے تہران اور حزب اللہ سے دست بردار ہونے کے واسطے دباؤ ڈالا جا رہا ہے ۔

امریکی اخبار کے مطابق جدید ذرائع نے اخبار کو بتایا کہ روس اور ایران کے درمیان واضح دٴْوری پیدا ہو چکی ہے۔

(جاری ہے)

امریکی اخبار نے باور کرایا کہ ایران اور حزب اللہ کو چھوڑنے کے لیے روس بشار الاسد پر دباؤ ڈال رہا ہے مگر یہ آسان نہیں ہوگا۔ اس حوالے سے شامی حکومت خود دو دھڑوں میں تقسیم ہے۔ ایک جانب روس کے قریب شامی افسران بھی ہیں جنہوں نے روس میں تربیت حاصل کی اور دوسری جانب وہ حلقے ہیں جو تہران کو حلیف بنانے کی تائید کرتے ہیں۔

روسی ایرانی تنازع کے آثار واضح ہونا شروع ہو گئے ہیں۔ تہران کی کوشش ہے کہ شام میں کنٹرول حاصل کر کے لبنان میں حزب اللہ ملیشیا تک رسائی کے واسطے عسکری گزر گاہ کو یقینی بنایا جائے جب کہ عراق کی طرز پر شام میں ایران کے کسی بھی غلبے کو مسترد کرتا ہے۔