مکی آر تھر نے مصباح الحق ’گاڈ فادر‘احمد شہزاد ’اداکار، شعیب ملک ’بھائی‘ قراردیدیا

بدھ 9 اگست 2017 11:57

لاہور (اُردو پوائنٹ اخبارتازہ ترین - این این آئی۔ 09 اگست2017ء) قومی ٹیم کے ہیڈ کوچ مکی آرتھر نے سابق کپتان مصباح الحق کو ’گاڈ فارد‘اور اوپننگ بیٹسمین ’احمد شہزاد‘ کو بہترین اداکار قرار دیدیا ۔ایک انٹرویو میں مکی آرتھر نے دلچسپ سوالات کے جواب میں مصباح الحق کو گاڈ فادر قرار دیااور بتایا کہ انگلینڈ میں چیمپئنز ٹرافی میں فتح سال کا بہترین موقع رہا ۔

(جاری ہے)

انہوں نے ٹیم میں بہترین اداکار اور ہنسانے والے کھلاڑی کے سوال پر احمد شہزاد کا نام لیا جبکہ بابر اعظم کو ٹیم کا سب سے باصلاحیت بیٹسمین قرار دیا ۔قومی ٹیم کے ہیڈ کوچ نے سابق کپتان شعیب ملک کو ٹیم کا مشہور ترین ’بھائی ‘ کے نام سے مخاطب کیا جبکہ شان مسعود کو سب سے زیادہ فٹ کھلاڑی قراردیا۔مکی آرتھر نے چمپئن ٹرافی کے بہترین فاسٹ بائولر حسن علی کا نام لے کر بتایا کہ اس کھلاڑی میں مزید بہتری کے امکانات موجود ہیں۔