سکردو میں ٹریفک قوانین پر عمل درآمد کروانا پولیس کیلئے مسئلہ کشمیر بن گیا

بدھ 9 اگست 2017 23:37

سکردو (اُردو پوائنٹ اخبارتازہ ترین - آئی این پی۔ 09 اگست2017ء) سکردو میں ٹریفک قوانین پر عمل درآمد کروانا پولیس کیلئے مسئلہ کشمیر بن گیا،بغیر ہیلمٹ ٹرپل سواری اور کالے شیشے استعمال کرنا قانون بن گیا۔

(جاری ہے)

تفصیلات کے مطابق سکردو شہر میں مقامی ڈی آئی جی پولیس ،کوالیفائیڈ ایس ایس پی ،انسپکٹرز ،سب انسپکٹرز اور بہادر پولیس اہلکاروں کی تعیناتی کے باوجود صرف ٹریفک قوانین پر عمل درآمد کروانا نا ممکن ہو گیا ہے شہر کے جس حصے یا جس سڑک پر جائیں موٹر سائیکلوں پر ٹرپل سواری عام ہے جو کم عمر بچے چلاتے نظر آتے ہیں جبکہ گاڑیوں کے شیشے کالے رکھنا قانون بن گیا ہے اس ساری صورتحال میں پولیس کی کارکردگی تشویشناک حد تک مایوس کن ہے۔