ورلڈ ٹیم سنوکر چیمپئن کے فاتح کھلاڑی مصر سے کراچی پہنچ گئے

بابر مسیح اور محمد آصف کاکراچی ائر پورٹ پر شاندار استقبال کیا گیا اور انہیں پھولوں کے ہار پہنائے گئے

ہفتہ 12 اگست 2017 13:53

کراچی(اُردو پوائنٹ اخبارتازہ ترین - آئی این پی۔ 12 اگست2017ء) آئی بی ایس ایف ورلڈ ٹیم سنوکر چیمپئن شپ جیتنے کے بعد پاکستان کی ٹیم وطن واپس پہنچ گئی۔آئی بی ایس ایف ورلڈ ٹیم سنوکر چیمپئن شپ جیتنے کے بعد پاکستان کی دونوں ٹیموں کے کھلاڑی بابر مسیح، محمد آصف، محمد سجاد اور اسجد اقبال وطن واپس پہنچ گئے۔ کراچی ائر پورٹ پر کھلاڑیوں کا شاندار استقبال کیا گیا، انہیں پھولوں کے ہار پہنائے گئے۔

(جاری ہے)

مصر میں ہونے والی ورلڈ ٹیم ایونٹ کے فائنل میں بابر مسیح اور محمد آصف کی ٹیم نے اپنے ہی ہم وطن کھلاڑیوں محمد سجاد اور اسجد اقبال پر مشتمل ٹیم کو پانچ چار سے ہرا کر ٹائٹل اپنے نام کیا۔ فاتح کھلاڑی محمد آصف نے اس کامیابی کو ملک کے لئے تحفہ قرار دیا۔ تاہم حکومت کی جانب سے اس کھیل کی سرپرستی نہ کرنے پر کھلاڑیوں نے شکوہ کیا اور کہا کہ حکومت کی توجہ تو کھلاڑی اس کھیل میں پاکستان کا لوہا منوا سکتے ہیں۔

متعلقہ عنوان :