حرام اجزا کی روک تھام کیلئے قائم حلال فوڈ اتھارٹی تاحال غیر فعال

اتھارٹی کا ڈھانچا تکمیل کے حتمی مراحل میں ہے ، سیکرٹری سائنس و ٹیکنالوجی

منگل 15 اگست 2017 12:42

حرام اجزا کی روک تھام کیلئے قائم حلال فوڈ اتھارٹی تاحال غیر فعال

اسلام آباد(اُردو پوائنٹ اخبارتازہ ترین - آن لائن۔ 15 اگست2017ء) وزارت سائنس اینڈ ٹیکنالوجی کے اعلیٰ حکام کی نااہلی کے باعث بیرون ملک سے منگوائی جانے والی کھانے پینے کی اشیائے خور و نوش میں حرام اجزا کی روک تھام کے لئے بنائی گئی پاکستان حلال فوڈ اتھارٹی دو سال میں فعال نہ ہوسکی۔

(جاری ہے)

میڈیا رپورٹ کے مطابق بیرون ملک سے سالانہ 3 سے 4 ارب ڈالر کی کھانے پینے کی اشیا درآمد ہوتی ہیں ، ان میں مشرق بعید ، یورپ اور امریکا سمیت دیگر ممالک شامل ہیں۔

ان ملکوں سے درآمد ہونے والی کھانے پینے کی اشیا میں حرام اجزا کی آمیزش ہونے کا اندیشہ ہوتا ہے۔سیکرٹری سائنس اینڈ ٹیکنالوجی کا کہنا ہے کہ حکام کی نااہلی کی وجہ سے کھانے کی درآمدی اشیا کو چیک کرنے کا کوئی نظام فی الحال موجود نہیں ہے ، ان کا کہنا تھا کہ فوڈ اتھارٹی کا ڈھانچا تکمیل کے آخری مراحل میں ہے