جے کے ایل ایف بلجیم کے رہنما انشاد خان کے بیٹے کے مبینہ قتل میں ملوث قاتل نے خود کو پولیس حکام کے حوالے کردیا

منگل 15 اگست 2017 13:39

راولاکوٹ (اُردو پوائنٹ اخبارتازہ ترین - آئی این پی۔ 15 اگست2017ء) جے کے ایل ایف بلجیم کے رہنما انشاد خان کے جواں سال بیٹے اور جے کے ایل ایف کے کارکن علی انشاد کے مبینہ قتل میں ملوث مبینہ قاتل آصف دل نے خود کو پولیس حکام کے حوالے کردیا ۔ بلجیم پلٹ علی انشاد کی تین روز قبل درخت سے باندھی لاش برآمد ہوئی تھی ۔

(جاری ہے)

ورثاء کا موقف ہے کہ آصف دل نامی نوجوان اُن کے بیٹے کو بلیک میل کر کے پیسے بٹورتا تھا اور چند روز قبل دونوں کے درمیان جھگڑا بھی ہوا تھا ۔

تھانے میں آصف دل نے صلح سے انکار کر کے بدلہ لینے کا دعویٰ کر کے موقع سے فراری اختیار کر لی تھی ۔ اس واقع کے دوسرے روز علی انشاد کی لاش ملی تھی ورثاء کے احتجاج پر آصف دل نے خود کو پولیس کے حوالے کردیا۔ گرفتاری دینے والے نوجوان کے ورثاء کا کہنا ہے کہ اُن کے بیٹے کا علی انشاد سے تنا زعہ ضرور تھا لیکن علی انشاد کے قتل میں وہ ملوث نہیں ۔