نیشنل ہائی ویز موٹروے پولیس کی جانب سے یوم آزادی کی مناسبت سے تقریبات کا سلسلہ جاری،

پشاور سے لاہور تک تمام ٹول پلازوں پر شاہراہوں پر تحفظ سے متعلق سٹال کا انعقاد

منگل 15 اگست 2017 17:51

نیشنل ہائی ویز موٹروے پولیس کی جانب سے یوم آزادی کی مناسبت سے تقریبات ..

اسلام آباد ۔ (اُردو پوائنٹ اخبارتازہ ترین - اے پی پی۔ 15 اگست2017ء) نیشنل ہائی ویز موٹروے پولیس نے یوم آزادی کی مناسبت سے تقریبات کے سلسلہ میں جی ٹی روڈ پر پشاور سے لاہور تک تمام ٹول پلازوں پر شاہراہوں پر تحفظ سے متعلق سٹال لگائے۔ پریس ریلیز کے مطابق یوم آزادی کی تقریبات کے سلسلہ میں شاہراہیں استعمال کرنے والوں میں حفاظتی پیغامات پر مشتمل گفٹ پیک تقسیم کئے گئے ۔

(جاری ہے)

نیشنل ہائی ویز اینڈ موٹرویز پولیس نے پشاور سے لاہور اور مری ایکسپریس وے پر عوام کی آگاہی کے لئے مختلف اقدامات کئے ۔ ملک اور قوم کی خوشحالی اور حفاظت کے لئے خصوصی دعائیں مانگی گئیں۔ یوم آزادی کو شایان شان طریقہ سے منانے کے لئے پورے نارتھ زون کے دفاتر میں پرچم کشائی کی گئی ۔ ایسے اقدامات کامقصد شاہراہوں پر سفر کرنے والوں کو نہ صرف آزادانہ اور محفظ سفر کی سہولت فراہم کرنا ہے۔ بلکہ ٹریفک قوانین سے آگاہ معاشرے کی تشکیل کرکے پولیس اور عوام کے دوران اچھے تعلقات کو فروغ دیتا ہے۔