لاہور ہائیکورٹ نے نوازشریف کو مسلم لیگ ن کے سربراہ کے عہدہ پر برقرار رکھنے کے لئے دائر درخواست پر الیکشن کمیشن اور وفاقی حکومت سے جواب طلب کر لیا

بدھ 16 اگست 2017 21:07

لاہور۔ (اُردو پوائنٹ اخبارتازہ ترین - اے پی پی۔ 16 اگست2017ء) لاہور ہائیکورٹ نے نوازشریف کو مسلم لیگ ن کے سربراہ کے عہدے پر برقرار رکھنے کے لئے دائر درخواست پر الیکشن کمیشن اور وفاقی حکومت کو نوٹس جاری کرتے ہوئے جواب طلب کر لیا۔لاہور ہائیکورٹ کے چیف جسٹس سید منصور علی شاہ نے کیس کی سماعت کی۔ درخواست گزار اظہر اقبال بٹ نے موقف اختیار کیا کہ آئین کے آرٹیکل سترہ کی شق دو کے تحت نااہل شخص بھی پارٹی کے سربراہ کے عہدے پر برقرار رہ سکتا ہے۔

(جاری ہے)

انہوں نے کہا کہ کسی بھی نااہل شخص کو پارٹی کی سربراہی سے ہٹانے کے لئے آئین میں کوئی قدغن نہیں۔ انہوں نے کہا کہ پولیٹیکل پارٹیز ایکٹ کی شق پانچ آئین سے متصادم ہے۔ انہوں نے استدعا کی کہ عدالت پولیٹیکل پارٹیز ایکٹ کی شق پانچ کوآئین سے متصادم ہونے کی بناء پر کالعدم قرار دے۔جس پر فاضل عدالت نے نوازشریف کو ن لیگ کے سربراہ کے عہدے پر برقرار رکھنے کے لئے دائر درخواست پر الیکشن کمیشن اور وفاقی حکومت کو نوٹس جاری کرتے ہوئے جواب طلب کر لیا۔