آڈیٹر جنر ل جاوید جہانگیر کی خورشید احمد شاہ سے ملاقات

پی اے سی کی رہنمائی میں میرا آفس عمدہ نتائج کیلئے کوئی کسر نہیں اٹھا رکھے گا ،جاوید جہانگیر

جمعرات 17 اگست 2017 23:28

اسلام آباد(اُردو پوائنٹ اخبارتازہ ترین - آن لائن۔ 17 اگست2017ء) آڈیٹر جنرلآف پاکستان جاوید جہانگیر نے جمعرا ت کے روز چیرمین پبلک اکاؤنٹس کمیٹی و قومی اسمبلی میں اپوزیشن لیڈر سید خورشید احمد شاہ سے اسلام آباد میں ان کی رہائش گاہ پر ملاقات کی۔

(جاری ہے)

اس موقع پر بات چیت کرتے ہوئے انہوں نے کہا کہ آڈٹ کا شعبہ ان کی بھرپور معاونت کررہا ھے اور امید ھے کہ آپ کی قیادت میں اس شعبے میں مزید بہتری آئے گی اور ہم آڈٹ کے نظام کی مکمل شفافیت اور بہتری کیلئے آگے بڑھیں گے۔ اس موقع پر آڈیٹر جنرل نے اس عزم کا اظہار کیا کہ پی اے سی کی رہنمائی میں ان کا آفس عمدہ نتائج کیلئے کوئی کسر نہیں اٹھا رکھے گا۔