لوڈشیڈنگ اور شدید گرمی کے باعث ضلع کوہاٹ کے متعدد سکولوں کے طلبہ بے ہوش اساتذہ تنظیموں اور عوامی حلقوں کا سکولوں کو عید الا ضحی تک بند رکھنے کا مطالبہ

جمعہ 18 اگست 2017 15:47

کوہاٹ(اُردو پوائنٹ اخبارتازہ ترین - آن لائن۔ 18 اگست2017ء) ضلح کوہاٹ کے عوامی حلقوں اور متعدہ اساتذہ محاذ نے شدید گرمی میں سرکاری سکولوں کو کھولنے کے اقدام پر شدید تنقید کی ہے اور لوڈشیڈنگ اور شدید گرمی کی وجوہات کی وجہ سے سکولوں کو عیدالاضحی کی تعطیلات تک بند رکھنے کا مطالبہ کیا ہے متحدہ اساتذہ محاذ کوہاٹ کے عہدیدار اور سینئر ٹیچر ریاض اور دیگر نے خیبرپختونخواہ کی حکومت سے مطالبہ کیا ہے کہ شدید گرمی میں سرکاری سکولوں کا کھولنا بچوں کے لئے مشکلات کا باعث بن گیا ہے لوڈشیڈنگ اور شدید گرمی کے باعث سکول کے بچوں کا بُرا حال ہوگیا ہے اور کچھ بچے گرمی کی شدت اور حبس برداشت نہ کر کے اسمبلی اور کلاس رومز میں بے ہوش بھی ہوئے ہیں کوہاٹ ،گمبٹ اور قریبی دیہاتوں کے عوامی حلقوں اساتذہ تنظیموں اور طلبہ کے والدین نے خیبر پختونخواہ حکومت سے مطالبہ کیا ہے کہ لوڈشیڈنگ اور شدید گرمی کی وجہ سے سرکاری سکولوں کو عیدالاضحی تک بند رکھا جائے تاکہ اساتذہ والدین اور طلبہ ذہنی ذہنی کوفت اور پریشانی سے بچ سکیں