کراچی، سردیوں سے قبل ملک میں ایل این جی کی درآمد د و گنا ہوجائے گی

جمعہ 18 اگست 2017 16:51

کراچی (اُردو پوائنٹ اخبارتازہ ترین - این این آئی۔ 18 اگست2017ء) آئندہ سردیوں سے قبل ملک میں ایل این جی کی درآمد د و گنا ہوجائے گی جو 60کروڑ مکعب فٹ سے بڑھ کر یومیہ ایک ارب 20کروڑ مکعب فٹ تک پہنچ جائے گی ۔وزارت پیٹرولیم کے ذرائع کے مطابق اس وقت قطر سے 50کروڑ مکعب فٹ اور گنورکمپنی سے 10کروڑ مکعب فٹ ایل این جی درآمد کی جارہی ہے۔

(جاری ہے)

ذرائع کے مطابق ایل این جی درآمد کے لیے دوسرا ٹرمینل نومبر تک تعمیر ہو جائے گا ، جس کے بعد مزید 60کروڑ مکعب فٹ ایل این جی درآمد کی جائے گی جس میں گنور سے یومیہ مزید 10کروڑ مکعب فٹ اور اٹلی کی کمپنی ای این آئی سے 10کروڑ مکعب فٹ ایل این جی شامل ہے۔ذرائع کے مطابق مزید 40کروڑ مکعب فٹ ایل این جی درآمد کیلئے ٹینڈرز کا عمل بھی کر لیا گیاہے ۔