میاں صاحب نے ہمیشہ پیپلزپارٹی کا مینڈیٹ چھینا ہے وہ ایجنسیوں کی وجہ سے الیکشن میں کامیاب ہوتے رہے ہیں‘ قمر زمان کائرہ

لاہور(اُردو پوائنٹ اخبارتازہ ترین - آئی این پی۔ 18 اگست2017ء) پیپلزپارٹی سنٹر ل پنجاب کے صدر قمر زمان کائرہ نے کہا کہ میاں صاحب نے ہمیشہ پیپلزپارٹی کا مینڈیٹ چھینا ہے اور وہ ایجنسیوں کی وجہ سے الیکشن میں کامیاب ہوتے رہے ہیں‘(ن)لیگ کا رویہ قبضہ گروپ والا ہے، میاں صاحب نوٹس ملنے کے باوجود نیب میں پیش نہیں ہوئے‘میاں صاحب آج کہتے ہیں نوٹس نہیں ملا، کل بیماری کا بہانہ ہوگا ،پرسوں کچھ اور ہوگا۔

لاہور میں بلاول ہا ئوس کے باہر میڈیا سے بات کرتے ہوئے پیپلزپارٹی وسطی پنجاب کے صدر قمرزمان کائرہ نے کہا کہ میاں صاحب ذاتی طور پرحکومت چلاتے ہیں اور وہ اداروں سے بھی ذاتی تعلقات بناتے ہیں جب کہ نواز شریف نے ہمیشہ ہمارا مینڈیٹ چھینا ہے اور ووٹ کا تقدس پامال کرنے والوں میں میاں صاحب بھی شامل تھے۔

(جاری ہے)

انہوں نے کہا کہ میاں صاحب کے خلاف فیصلہ آنے تک سب کچھ ٹھیک تھا مگر فیصلہ آتے ہی سسٹم اورنظام بھی خراب ہوگیا حالانکہ نوازشریف کو ان کے جرائم پر الگ کیا گیا اور وہ ایجنسیوں کی وجہ سے الیکشن میں کامیاب ہوتے رہے ہیں۔

انہوں نے کہا کہ (ن)لیگ کا رویہ قبضہ گروپ والا ہے، میاں صاحب نوٹس ملنے کے باوجود نیب میں پیش نہیں ہوئے، میاں صاحب آج کہتے ہیں نوٹس نہیں ملا، کل بیماری کا بہانہ ہوگا ،پرسوں کچھ اور ہوگا جب کہ نوازشریف نیعدلیہ پرجتنیالزام لگائے ہیں اس سے آگے گالیاں رہ جاتی ہیں۔ انہوں نے کہا کہ نظام بہتری کی جانب چل رہا ہے اور ہم اگلے الیکشن کی تیاریوں میں مصروف ہیں جب کہ پیپلزپارٹی عوام کے پاس اپنا منشور لے کر جائے گی۔ ایک سوال کے جواب میں انہوں نے کہا کہ ہمیں کسی فرد کے ساتھ بات کرنے کا شوق نہیں ہے، پارٹی کی سطح پر بات چیت کریں گے۔