جڑواں شہرراولپنڈی اسلام آباد میں عیدالاضحی کے موقع پر میٹرو بس سروس رواں دواںرہی

پیر 4 ستمبر 2017 14:10

راولپنڈی /اسلام آباد (اُردو پوائنٹ اخبارتازہ ترین - این این آئی۔ 04 ستمبر2017ء) جڑواں شہرراولپنڈی اسلام آباد میں عیدالاضحی کے موقع پر میٹرو بس سروس رواں دواںرہی۔

(جاری ہے)

تفصیلات کے مطابق میٹرو بس سروس کی جانب سے عید کی تعطیلات کے دوران مسافروں کی سہولت کے پیش نظر میٹرو بس کے عملہ اور ڈرائیوروں کی چھٹیاں منسوخ کرکے خصوصی ڈیوٹیاں لگائی گئی تھیں اس فیصلہ کے پیش نظر جڑواں شہروں کے شہریوں کی کثیر تعداد نے بھرپور استفادہ کیا اور آمدورفت کیلئے میٹرو بس کا استعمال کیا۔

میٹرو بس انتظامیہ کے مطابق عید کے پہلے اور دوسرے روز معمول سے زیادہ مسافروں نے میٹروبس پر سفر کیا پبلک ٹرانسپورٹ نہ ہونے کی وجہ سے قرب و جوار میں دیگر ویگن ذرائع سے سفر کرنے والے بھی میٹرو بس پر انحصار کرتے رہے۔