لاہور ہائیکورٹ نے کلثوم نواز کے کاغذات نامزدگی کیخلاف دائر درخواستیں مسترد کر دیں ،
انتخاب میں حصہ لینے کی اجازت کیا ریٹرننگ افسر نے اپنی ذمہ داری پوری کی ‘ عدالت کا استفسا/ریٹرننگ افسر نے قانون کے مطابق فیصلہ کیا ‘ سرکاری وکیل کا جواب مخالف فریق ثبوت دینے میں ناکام رہے ، بیگم کلثوم نواز شریف کے کاغذات نامزدگی اور اثاثوں میں کوئی بے ضابطگی نہیں نکلی‘سینیٹر آصف کرمانی پیپلز پارٹی کے فیصل میر اور عوامی تحریک کے اشتیاق چوہدری نے فیصلے کے خلاف سپریم کورٹ میں اپیل دائر کرنے کا اعلان کر دیا
بدھ 13 ستمبر 2017 16:37
(جاری ہے)
انہوں نے کاغذات نامزدگی میں اقامہ کا ذکر کیا مگر اس سے حاصل ہونے والی آمدن اور اکائوٹس کی تفصیلات فراہم نہیں کیں۔
درخواست گزاروں کے مطابق کلثوم نواز کے خلاف سندھ میں بغاوت کا مقدمہ بھی درج ہے مگر انہوں نے کاغذات نامزدگی میں اسے جان بوجھ کر ظاہر نہیں کیا۔ کلثوم نواز نے حقائق چھپائے اور جھوٹ بولا لہٰذا وہ الیکشن لڑنے کی اہل نہیں۔دائر شدہ درخواستوں میں مزید کہا گیا کہ ریٹرننگ افسر کو ٹھوس شواہد فراہم کیئے گئے مگر انہوں نے کاغذات نامزدگی منظور کر لیے لہٰذا عدالت ریٹرننگ افسر کا فیصلہ کالعدم قرار دے اور کلثوم نواز کو الیکشن میں حصہ لینے سے روکے۔دوران سماعت پیپلز پارٹی کے امیدوار فیصل میر کے وکیل ظفر چوہدری نے دلائل دیتے ہوئے کہا کہ بیگم کلثوم نواز نے کاغذات نامزدگی میں حلف دیا ہے کہ انکی اور انکے شوہر کسی کمپنی کے مالک نہیں،میرا عدلیہ میں کیس صرف ایک لائن کا ہے کہ کیا بیگم کلثوم نواز نے کاغذات نامزدگی میں جو حلف دیا وہ سچ ہے یا جھوٹ ۔ نیب پہلے ہی سپریم کورٹ کی ہدایت پر انکے نام سے 16 کمپنیوں کی تحقیقات کر رہی ہے ،نیب کو عدالت میں کنفرم جواب دینا چاہیے کہ نواز شریف کسی کمپنی کے مالک ہیں کہ نہیں ،اگر نیب کنفرم کرتا ہے کہ نوازشریف کسی کمپنی کے مالک ہیں تو بیگم کلثوم نواز الیکشن لڑنے کے لیے نا اہل قرار دی جائیں۔فیصل میر کے وکیل ایڈوکیٹ ظفر چوہدری نے کہا کہ ایک کھربوں پتی خاتون کاغذات نامزدگی کیسے دعویٰ کر سکتی ہیں کہ انکے پاس صرف ایک لاکھ کے زیور ہیں،ایک لاکھ کی مالیت کے زیورات کا دعوی کھلا جھوٹ ہے جس پر انکی نا اہلی یقینی ہے، اثاثے چھپانے پر بیگم کلثوم نواز کو الیکشن لڑنے سے روکا جائے ۔عدالت نے استفسار کیا کہ کیا ریٹرننگ افسر نے اپنی ذمہ داری پوری کی ۔جس پر سرکاری وکیل نے بیان دیا کہ ریٹرننگ افسر نے قانون کے مطابق فیصلہ کیا ہے۔ وفاقی حکومت کے وکلاء نے بھی درخواستوں کو نا قابل سماعت قرار دے کر مسترد کرنے کی استدعا کی۔عدالت نے وکلا کے دلائل مکمل ہونے کے بعد درخواستیں پر فیصلہ محفوظ کر لیا اور بعد ازاں فیصلہ سناتے ہوئے تمام درخواستیں مسترد کر کے کلثوم نواز کو انتخاب میں حصہ لینے کی اجازت دیدی ۔میڈیا سے گفتگو کرتے ہوئے مسلم لیگ (ن) کے سینیٹر آصف کرمانی نے کہا کہ مخالف فریق ثبوت دینے میں ناکام رہے ، بیگم کلثوم نواز شریف کے کاغذات نامزدگی اور اثاثوں میں کوئی بے ضابطگی نہیں نکلی۔جبکہ پیپلز پارٹی کے فیصل میر اور عوامی تحریک کے اشتیاق چوہدری نے فیصلے کے خلاف سپریم کورٹ میں اپیل دائر کرنے کا اعلان کیا ہے۔متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.