حالات کچھ بھی ہوں نیشنل پارٹی ظلم جبر کے خلاف اپنی جدوجہد جاری رکھے گی،نوجوان ساتھ دیں ،میر حاصل خان بزنجو
جب ہماری حکومت آئی تو مخالفین نے الزام لگایا یہ لوگ ریکوڈک کو بیچ دینگے ، ہمیں اپنی عوام اور سرزمین کی قسم ہے ریکوڈک تو بہت دور کی بات ہے ہم بلوچستان کے ایک ایک پتھر کی حفاظت کریں گے،سابق وزیراعلی ڈاکٹر عبدالمالک بلوچ
اتوار 17 ستمبر 2017 20:30
(جاری ہے)
انہوں نے کہاکہ ووٹ برادری قبائلیت پر استعمال نہ کریں ایسے شخص کو آئندہ ووٹ دیں کم از کم آپ کو یہ یقین ہو کہ یہ تمہارا سودا نہیں کرے گا ۔
انہوں نے کہاکہ رکنی سے بارکھان تک 15 سالوں سے سڑک کی مرمت کیلئے پتھر پڑے ہیں لیکن روڈ نہیں بن رہی کوئی تو پوچھ لے کہ یہ پتھر کیوں پڑھ ہیں 15منٹ کا راستہ ڈیڑھ گھنٹے میں طے ہوتا ہے ۔انہوں نے کہاکہ تلی روڈ کے افتتاح کے موقع پر نواز شریف سے ہم نے مذکورہ روڈ کو فورٹ سنزو تک بڑھانے کی وعدہ لیا ہے ۔جلسہ عام سے خطاب کرتے ہوئے سابق وزیراعلی بلوچستان عبدالمالک بلوچ نے کہاکہ ہم نے بلوچستان کے عوام سے وعدہ کیا تھاکہ ساحل اور وسائل کا تحفظ کریں گے ۔جب ہماری حکومت آئی تو مخالفین نے الزام در الزام لگایا کہ یہ لوگ ریکوڈک کو بیچ دینگے اس وقت بھی ہم نے کہاتھا کہ ہمیں اپنی عوام اور سرزمین کی قسم ہے کہ ریکوڈک تو بہت دور کی بات ہے ہم بلوچستان کے ایک ایک پتھر کی حفاظت کریں گے ۔وقت نے ثابت کیا کہ ہم نے ریکوڈک کا تحفظ کیا ۔گوادر میں لینڈ مافیا نے ناجائز طریقے سے ساڑھے تین لاکھ ایکڑ لینڈ مافیا سے لیکر واپس عوام کو دے دئیے ۔ہم نے ساحل اور وسائل کا تحفظ کیا اور ایسے بچایا ۔2013سے پہلے مستونگ ،قلات ،خضدار،کوئٹہ ،مکران ،بارکھان سمیت بلوچستان کے اکثر علاقوٓں میں امن وامان کی صورتحال گمبیر تھی ۔عصر کے بعد بازار ویران اور بند ہوا کرتی تھی ۔کوئٹہ ،کراچی ،چمن ،ژوب ،لورالائی اور جیکب آباد جانے والی شاہراہوں پر سفر کرنا مشکل امر بن چکا تھا ۔ڈاکہ زنی ،رہنز نی ،معمول بن چکی تھی ہم نے اکر محکمے میں سیاسی مداخلت ختم کرکے پولیس کو خود مختار بنایا ۔ہم نے تھانے فروخت نہیں کئے پولیس کی تنخواہوں میں خاطر خواہ اضافہ کیا ۔اہلکاروں کی میرٹ رپ بھرتیاں کی گئیں ۔پولیس پولیس اور لیویز کی تمام ضرورتوں کو پورا کرنے کیلئے مالی وسائل فراہم کئے ۔امن وامان کی خراب صورتحال نے بلوچستان کی حقیقت تعلیم اور دیگر شعبوں کو تباہ کرکے رکھ دیا تھا ۔ہمارا ایجنڈا بلوچستان کے عوام کو امن اپنا تھا اور الحمداللہ ہم اس میں کامیاب ہوئے ۔ہم نے بلوچستان پبلک سروس میں ایک دیانتدار اور بہتر شہرت کے شخص کو چیئرمین لگایا ۔ماضی کے پبلک سروس کمیشن سے کون آگاہ نہیں لیکن تاریخ میں پہلی مرتبہ پبلک سروس کمیشن کے ذریعے غریب کے بچے میرٹ پر اسٹنٹ کمشنر ،سیکشن آفیسر ،انسپکٹر ،لیکچرار اور دیگر اعلی پوسٹوں پر کامیاب ہورہے ہیں ۔انہوں نے کہاکہ بارکھان کے لوگ بچوں اور بچیوں کی تعلیم پر توجہ دیں جس دن غریب آدمی کا بچہ اسٹنٹ کمشنر یا جج بنا اسی دن بارکھان میں تبدیلی آئی گئی ۔انہوں نے کہاکہ نقصان پہنچایا ہے تنازعات کے خاتمے کیلئے عمائدین سیاسی رہنماء اور عوام کواپنا کردار ادا کریں ۔ڈاکٹر عبدالمالک بلوچ نے کہاکہ ہمارا ایجنڈا جمہوری ہے ہم وفاق پر یقین رکھتے ہیں اور سیاسی اور جمہوری جدوجہد کے ذریعے عوام کی ترقی ،خوشحالی اور حقوق کیلئے جدوجہد کررہے ہیں ۔انہوں نے کہاکہ اسمبلی کو نیشنل پارٹی کے نمائندوں سے بھر دیں ۔سیاسی اور سماجی خدمات کو زبردست الفاظ میں خراج تحسین پیش کیا ۔انہوں نے کہاکہ بارکھان کے عوام اپنے بچوں کے مستقبل کو محفوظ اور خوشحال بنانے کیلئے وڈیرہ عبدالکریم کھتیران کو ووٹ دیں ۔جلسہ عام سے عبدالکریم کھیتران ،خیر جان بلوچ ،محراب مری ،ڈاکٹر اسحاق بلوچ نے بھی خطاب کیا جبکہ اس موقع پر صوبائی ورکنگ کمیٹی کے اراکین ملک نصیر شاہوانی اور کامریڈ رشید بلوچ بھی موجود تھے ۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.