جسٹس باقر نجفی کمیشن کی رپورٹ پبلک کرنے میں ہمیں کوئی نقصان ،نہ کرنے پر کوئی فائدہ بھی نہیں‘رانا ثنا ء اللہ

�تمبر کو فل بنچ کے سامنے کیس کی سماعت ہے اگر ایسا کوئی حکم آیا تو رپورٹ کو پبلک کردیا جائے گا‘صوبائی وزیر قانون کی نجی ٹی وی سے گفتگو

جمعہ 22 ستمبر 2017 23:30

لاہور(اُردو پوائنٹ اخبارتازہ ترین - این این آئی۔ 22 ستمبر2017ء) صوبائی وزیر قانون رانا ثناء اللہ خان نے کہا ہے کہ سانحہ ماڈل ٹائون پر جسٹس باقر نجفی کمیشن کی رپورٹ پبلک کرنے میں ہمیں کوئی نقصان ہے اورنہ کرنے پر کوئی فائدہ بھی نہیں ،25ستمبر کو فل بنچ کے سامنے کیس کی سماعت ہے اگر ایسا کوئی حکم آیا تو رپورٹ کو پبلک کردیا جائے گا ۔

(جاری ہے)

نجی ٹی وی سے گفتگوکرتے ہوئے رانا ثناء اللہ نے کہاکہ جسٹس باقر نجفی کی رپورٹ کو پبلک کرنے میں کوئی عار نہیں لیکن کسی غیر قانونی حکم کو تسلیم نہیں کریںگے یہ مسلمہ اصول ہے کہ جب کوئی معاملہ فل بنچ کے سامنے زیر سماعت ہوتو سنگل بنچ کوئی بھی فیصلہ نہیں دے سکتا ۔

اس متعلق مختلف درخواستیں زیر سماعت تھیں جنہیں چیف جسٹس نے یکجا کر کے لارجر بنچ تشکیل دیا اور اس کی 25ستمبر کو سماعت ہے اور جوبھی فیصلہ آئے گا اسے تسلیم کریں گے ۔ انہوںنے کہاکہ یہ نہیں ہوسکتا کہ ایک معاملہ لارجر بنچ میں زیر سماعت ہواورایک سنگل بنچ ایک طرف سے درخواست پکڑے اور دوسرے فریق کو سنے بغیر ہی فیصلہ دیدے ہمیں جسٹس باقر نجفی کی رپورٹ پبلک کرنے میں کوئی نقصان اورنہ کرنے میں کوئی فائدہ بھی نہیں ۔

متعلقہ عنوان :