کپتان سرفراز احمد کے بعدہیڈ کوچ مکی آرتھر نے بھی سری لنکا کے خلاف کرکٹ سیریز کو مشکل قرار دیدیا

پیر 25 ستمبر 2017 19:43

لاہور۔ (اُردو پوائنٹ اخبارتازہ ترین - اے پی پی۔ 25 ستمبر2017ء) قومی کرکٹ ٹیم کے کپتان سرفراز احمد کے بعد قومی ٹیم کے ہیڈ کوچ مکی آرتھر نے بھی پاکستان اور سری لنکا کے مابین یو اے ای میں ہونے والی کرکٹ سیریز کو مشکل قرار دیدیا ۔

(جاری ہے)

اپنے ایک انٹر ویو میں ان کا کہنا تھا کہ سری لنکا کی ٹیم ہمارے لیے آسان حریف نہیں ہوگی،پاکستان اور سری لنکا کے درمیان سیریز کا آغاز 28 ستمبر سے یو اے ای میں ہورہا ہے جس کے لیے قومی ٹیم کے ٹیسٹ اسکواڈ کا اعلان بھی کردیا گیا ہے،قومی ٹیم کے ہیڈ کوچ مکی آرتھر کا سری لنکا سے سیریز کے حوالے سے کہنا ہے کہ سری لنکا کے خلاف ایک یا دو نئے کھلاڑی اپنے ٹیسٹ کیرئیر کا آغاز کریں گے اور سری لنکا ہمارے لیے آسان حریف نہیں ہوگی،مکی آرتھر نے کہا کہ مصباح اور یونس کے بعد پاکستان ٹیم میں ایک نئے دور کا آغاز ہورہا ہے، ٹیم میں فی الحال فٹنس کا کوئی مسئلہ نہیں اور یاسر شاہ نے بھی بھرپور پریکٹس کی ہے،کپتان سرفراز احمد سے متعلق ان کا کہنا تھا کہ توقع ہے سرفراز احمد بطور کپتان پہلے ٹیسٹ میں ہی بہترین کپتان ثابت ہوں گے۔