گلگت بلتستان میں مردم شماری مکمل ہو چکی،

بلدیاتی انتخابات جلد منعقد کئے جائیں گے، فدا محمد ناشاد

بدھ 11 اکتوبر 2017 14:24

استور ۔ (اُردو پوائنٹ اخبارتازہ ترین - اے پی پی۔ 11 اکتوبر2017ء) سپیکرقانون سازاسمبلی فدا محمد ناشاد نے کہا ہے کہ گلگت بلتستان میں مردم شماری مکمل ہوچکی ہے جبکہ دور دراز علاقوں سے اعداد و شمار جمع نہیں ہوئے ہیں مردم شماری کے اعداد شمار سامنے آنے کے بعد بلدیاتی انتخابات کو یقینی بنایاجائیگا۔

(جاری ہے)

انہوں نے جاوید حسین کے ایک سوال کے جواب میں اپنے ریمارکس میں کہا کہ وزیر اعلیٰ اعلان کرچکے ہیں کہ گلگت بلتستان میں بلدیاتی انتخابات آئندہ سال جون سے قبل ہونگے ہمیں یقین ہے کہ وزیراعلیٰ آئندہ سال جون سے قبل بلدیاتی انتخابات یقینی بنانے کیلئے ابھی سے اقدامات کرینگے۔

اس موقع پر وزیر بلدیات فرمان علی نے کہا کہ مردم شماری کی وجہ سے بلدیاتی انتخابات تاخیر کا شکار ہوئے مردم شماری کے اعدادو شمار سامنے آنے کے بعد ہم مشاورت سے بلدیاتی انتخابات کی تاریخ کا اعلان کرینگے ۔اس سے قبل وقفہ سوالات میں پی پی کے جاوید حسین نے کہاکہ عوامی مسائل کے حل کیلئے بلدیاتی اداروں کا وجود بہت ضروری ہے مگر گلگت بلتستان میں کافی عرصے سے بلدیاتی انتخابات نہیں ہورہے ہیں جبکہ موجودہ صوبائی حکومت کو قائم ہوئے دو سال کا عرصہ پورا ہوچکا ہے مگر بلدیاتی اداروں کے انتخابات نہیں ہوئے۔