کوئٹہ،ْ سریاب کے علاقے میں پولیس نے 15 لاکھ روپے تاوان کیلئے اغوا کیے جانے والے بچے کو بازیاب ،ْدو ملزمان گرفتار

ہفتہ 14 اکتوبر 2017 13:18

کوئٹہ(اُردو پوائنٹ اخبارتازہ ترین - این این آئی۔ 14 اکتوبر2017ء) سریاب کے علاقے میں پولیس نے 15 لاکھ روپے تاوان کے لیے اغوا کیے جانے والے بچے کو بازیاب کراتے ہوئے دو ملزمان کو گرفتار کرلیا۔

(جاری ہے)

میڈیا رپورٹ کے مطابق کوئٹہ میں سریاب کے علاقے کیچی بیگ میں سی آئی اے پولیس نے کارروائی کرتے ہوئے 2 اغوا کاروں کو گرفتار کرکے مغوی بچے کو رہا کرالیا۔ سی آئی اے پولیس نے بتایا کہ بچے کو ایک ہفتہ قبل اغواء کیا گیا تھا اور ملزمان نے اس کے والد سے 15 لاکھ روپے تاوان مانگا تھا تاہم پولیس نے ملزمان کی کوشش ناکام بناتے ہوئے چھاپہ مار کر انہیں گرفتار کرلیا۔ پولیس نے گرفتار ملزمان کے پاس سے اسلحہ بھی برآمد کرکے اغوا کا مقدمہ درج کرلیا ہے جبکہ ان سے مزید تفتیش کی جارہی ہے۔