بے بنیاد الزامات لگانے اور جھوٹ بولنے والوں کے دن گنے جاچکے ہیں،

21کروڑ عوام بہتان طرازی کی منفی سیاست سے بیزار ہوچکے ، نیا پاکستان بنانے کے دعویداروں نے خیبرپختونخواہ کے عوام کوبھی مایوس کیا ،گالم گلوچ اور جھوٹ کے عالمی ریکارڈ بنانے والوں کے چہرے آشکار ہوچکے ہیں، وزیراعلیٰ پنجاب شہبا زشریف کی وفاقی وزیر ریلوے سعدرفیق سے ملاقات میں گفتگو

پیر 16 اکتوبر 2017 15:16

بے بنیاد الزامات لگانے اور جھوٹ بولنے والوں کے دن گنے جاچکے ہیں،

لاہور(اُردو پوائنٹ اخبارتازہ ترین - آئی این پی۔ 16 اکتوبر2017ء) وزیراعلیٰ پنجاب شہباز شریف نے کہا کہ بے بنیاد الزامات لگانے اور جھوٹ بولنے والوں کے دن گنے جاچکے ہیں،21کروڑ عوام بہتان طرازی کی منفی سیاست سے بیزار ہوچکے ہیں، نیا پاکستان بنانے کے دعویداروں نے خیبرپختونخواہ کے عوام کوبھی مایوس کیا ہے،گالم گلوچ اور جھوٹ کے عالمی ریکارڈ بنانے والوں کے چہرے آشکار ہوچکے ہیں، پیر کو شہبا زشریف سے سعدرفیق نے ملاقات کی جس میں ملک کی صورتحال اور سیاسی امور پرتبادلہ خیال کیا گیا ،شہباز شریف نے کہا کہ بے بنیاد الزامات لگانے اور جھوٹ بولنے والوں کے دن گنے جاچکے ہیں ، 21کروڑ عوام بہتان طرازی کی منفی سیاست سے بیزار ہوچکے ہیں،عوام صرف اپنے مسائل کا حل اور ترقی وخوشحالی چاہتے ہیں، خالی نعروں سے عوام کی خدمت نہیں ہوتی ،عوام کی خدمت کے لیے دن رات ایک کرنا پڑتا ہے، نیا پاکستان بنانے کے دعویداروں نے خیبر پختونخواہ کے عوام کو بھی مایوس کیا ہے، گالم گلوچ اور جھوٹ کے عالمی ریکارڈ بنانے والوں کے چہرے آشکار ہوچکے ہیں،انھوں نے کہا کہ ایسے عناصر آئندہ انتخابات میں بھی ناکام رہیں گے۔