فرانس میں خواتین پر فقرہ کسنے یا سیٹی بجانے پر جرمانہ

قانون کی تیاری کیلئے حکومت کی جانب سے پانچ رکنی کمیٹی کا قیام ، پولیس اور مجسٹریٹس کا تعاون بھی حاصل ہے

منگل 17 اکتوبر 2017 15:05

پیرس (اُردو پوائنٹ اخبارتازہ ترین - این این آئی۔ 17 اکتوبر2017ء) خواتین پر سرعام فقرے کسنے ، سیٹی بجانے یا غیر اخلاقی اشارے بازی سے نمٹنے کیلئے نئے قانون کی تیاری پر کام شروع کر دیا گیا ۔ نئے قانون کے تحت فحش اشارے کرنیوالوں کو موقع پر جرمانہ ادا کرنا ہو گا ۔نئے قانون کی روح رواں 34 سالہ وزیر قانون مارلین شیپا ہیں ۔

(جاری ہے)

غیرملکی خبررساں ادارے کو دیئے گئے ایک انٹرویو کے دوران انہوں نے کہا ایسے قانون کی سخت ضرورت تھی کیونکہ موجودہ قوانین میں گلیوں میں خواتین کو ہراساں کرنے کی کوئی تعریف نہیں ۔نئے قانون کی تیاری کیلئے پانچ رکنی کمیٹی تشکیل دی گئی ہے جوکہ ہراساں کی تعریف اور جرمانے کے تعین کیلئے پولیس اور مجسٹریٹس کیساتھ ملکر کام کررہی ہے ۔

متعلقہ عنوان :