بھارت ،ْ ریاست اڑیسہ میں پٹاخے اور آتش بازی کا دوسرا سامان بنانے والے کارخانہ میں آتشزدگی سے 8 کارکن ہلاک ،ْمتعدد زخمی

جمعرات 19 اکتوبر 2017 17:12

بیلا سور (اُردو پوائنٹ اخبارتازہ ترین - این این آئی۔ 19 اکتوبر2017ء) بھارتی ریاست اڑیسہ کے ضلع بیلاسور میں پٹاخے اور آتش بازی کا دوسرا سامان بنانے والے کارخانہ میں آتشزدگی سے 8 کارکن ہلاک اور متعدد زخمی ہو گئے ۔

(جاری ہے)

جمعرات کو بھارتی میڈیا کی رپورٹس کے مطابق ایک گھر میں غیر قانو نی طور پر قائم کارخانہ میں آتش بازی کا سامان تیار کیا جارہاتھا کہ اسی دوران زوردار دھماکہ کے بعد آگ لگ گئی جسکی زد میں آکر 8 کارکن ہلاک اور20افراد زخمی ہوگئے ۔

مقامی حکام نے بتایا کہ آتش بازی کے اس کارخانہ میں دھماکہ اور آتشزدگی کی وجوہات کا تعین کرنے کیلئے تحقیقات جاری ہیں ۔ واضح رہے کہ جون میں ریاست مدیحہ پردیش میں آتش بازی کے ایک کارخانہ میں دھماکہ اور آگ لگنے سے 23 کارکن ہلاک اور 7دیگر افراد زخمی ہو گئے تھے ۔