(ن) لیگ میں تبدیلی کیلئے کابینہ کے اندر سے آوازیں اٹھ رہی ہیں، شاہ محمود قریشی

نادان دوست محاذ آرائی چاہتے ہیں، ایک طبقہ محاذ آرائی کی سیاست کے خلاف ہے نواز شریف پارٹی کو ڈبونے کی پہنچ پر لے آئیں ہے، وائس چیئرمین تحریک انصاف

جمعرات 19 اکتوبر 2017 20:21

(ن) لیگ میں تبدیلی کیلئے کابینہ کے اندر سے آوازیں اٹھ رہی ہیں، شاہ محمود ..

اسلام آباد(اُردو پوائنٹ اخبارتازہ ترین - آن لائن۔ 19 اکتوبر2017ء) پاکستان تحریک انصاف کے وائس چیئرمین شاہ محمود قریشی نے کہا ہے کہ (ن) لیگ میں تبدیلی کیلئے کابینہ کے اندر سے آوازیں اٹھ رہی ہیں نادان دوست محاذ آرائی چاہتے ہیں، ایک طبقہ محاذ آرائی کی سیاست کے خلاف ہے نواز شریف پارٹی کو ڈبونے کی پہنچ پر لے آئیں ہے، نجی ٹی وی کے پروگرام میں گفتگو کرتے ہوئے شاہ محمود قریشی نے کہا ہے کہ مسلم لیگ ن میں دھڑے بندی سامنے آگئی ہے ایک طبقہ ریاض پیرزادہ، چوہدری نثار اور شہباز شریف کی سوچ رکھتے ہے کہ ن لیگ میں تبدیلی کی ضرورت ہے اور محاذ آرائی سے گریز کرنا بہتر ہے، دوسرا طبقہ نادان دوستوں کا ہے جو محاذ آرائی چاہتے ہیں، انہوں نے کہا کہ ن لیگ میں تبدیلی کی آوازیں کابینہ کے اندر سے اٹھ رہی ہیں بہت سے لیگی راہنما تبدیلی چاہتے ہیں ان کی زیادہ تعداد پنجاب میں ہے لیگی رہنما اب باقاعدہ میڈیا میں آکر بیانات دے رہے ہیں، انہوں نے کہا کہ ن لیگ کے بہت سے ارکان اسمبلی پر دباؤ ڈالا گیا تھا پر لوگ آخری سال زیادہ سے زیادہ ترقیاتی فنڈز ریلیز کرانا چاہتے ہیں یہ اپنی باتیں ہیں بتاتے ہیں۔