یورپ میں ہونیوالا کشمیر ویک تحریک آزادی کشمیرکی راہ میں ایک نئی تاریخ رقم کریگا،بیرسٹر سلطان محمود
کشمیر ویک میں یورپ میں مقیم کشمیری و پاکستانی بھرپور انداز میں شرکت کریں ،عمران خان کو سلام پیش کرتا ہوں جن کی جدوجہد سے نواز شریف نا اہل ہوئے،وقت قریب آگیا انتخابات کے بعد چیئرمین پی ٹی آئی وزیر اعظم بنیں گے ،پاکستان کیساتھ آزاد کشمیر سے بھی کرپشن کا خاتمہ کریں گے، اولڈھم میں جلسے سے خطاب
جمعرات 19 اکتوبر 2017 21:19
(جاری ہے)
اسی طرح 26 اکتوبر کو جرمن پارلیمنٹ سے خطاب اور جرمن وزارت خارجہ میں ملاقات کرونگا جبکہ اس کشمیر ویک کی انتہاء اس وقت ہوگی جب 27 اکتوبر کو برلن میں دیوار برلن پر ملین مارچ منعقد کیا جائے گااور اس عزم کا اظہار کیا جائے گا کہ جسطرح جرمنوں نے سویت اور امریکی افواج کی موجودگی میں دیوار برلن کو روند ڈالا تھا اور جرمنی ایک ہو گیا تھا اسی طرح کشمیر ی بھی ایک دن دیوار برلن کی طرح لائن آف کنٹرول کو روند ڈالیں گے۔
ان خیالات کا اظہار انھوں نے آج یہاں اولڈھم میں پی ٹی آئی کشمیر اولڈھم کے زیر اہتمام ایک جلسہ سے خطاب کرتے ہوئے کیا۔اس سے قبل جب بیرسٹر سلطان محمود چوہدری اوڈھم پہنچے تو انکا اولڈھم کے مئیرچوہدری شاداب قمر اور دیگر قائدین نے شاندار استقبال کیا ۔انہیں پھولوں کے ہار پہنائے اور ان پر پھولوں کی پتیاں نچھاور کی گئیں۔ اس موقع پر اوڈھم کے مئیرچوہدری شاداب قمر نے خطاب کرتے ہوئے کہا کہ ہم بیرسٹر سلطان محمود چوہدری کے ساتھ ہیں اور یہ جو بھی قدم اٹھائیں گے برطانیہ کے کشمیری،مئیرز اور کونسلرز انکے ساتھ ہیں۔اس موقع پر جلسہ عام کی صدارت پی ٹی آئی کشمیر اولڈھم کے صدر شبراز ریاض نے کی جبکہ جلسہ سے چوہدری مالک، چوہدری ارشد برکی، چوہدری سردار،بیرسٹر کرامت، چوہدری بشارت، بیرسٹر کرامت، چوہدری عمران، چوہدری جاوید، ڈاکٹر پرویز ،لالہ عجائب، چوہدری صابر ، چوہدری عدنان، چوہدری شیراز، چوہدری فاضل، راجہ سجاد، چوہدری مشتاق، طاہر رفیق ایڈووکیٹ، چوہدری امجد بٹ اور دیگر مقررین نے بھی خطاب کیا۔بیرسٹر سلطان محمود چوہدری نے کہا کہ اگرچہ میں تحریک انصاف کے جلسے سے خطاب کر رہا ہوں لیکن میں نے برلن ملین مارچ میں تمام سیاسی جماعتوں کو شرکت کی دعوت دی ہے اور اس ملین مارچ میں بھی گذشتہ ہونے والے ملین مارچز والا ضابطہ اخلاق رکھا گیا ہے کہ شرکاء صرف آزاد کشمیر کا جھنڈا اٹھائے ہوئے ہونگے اور پلے کارڈز، بینرز اور پوسٹرز پر صرف کشمیر کے نعرے درج ہونگے۔انھوں نے کہا کہ برلن ملین مارچ اصل ملین مارچ کی چوتھی ریہرسل ہے یہ ایک تاریخی اہمیت کا حامل ملین مارچ ہو گا اور اور اصل ملین مارچ میں ایک ملین سے بھی زیادہ لوگ ہونگے جب دونوں اطراف کے کشمیری لائن آف کنٹرول پر جمع ہو کر لائن آف کنٹرول کو دیوار برلن کی طرح روند ڈالیں گے۔ بیرسٹر سلطان محمود چوہدری نے کہا کہ میں عمران خان کو سلام پیش کرتا ہوں کہ انکی جدوجہد سے نواز شریف نا اہل ہوئے۔انھوں نے کہا کہ اب وہ وقت قریب آگیا ہے کہ جب پاکستان کے انتخابات میں عمران خان پاکستان کے وزیر اعظم بنیں گے اور وہ پاکستان کے ساتھ ساتھ آزاد کشمیر سے بھی کرپشن کا خاتمہ کریں گے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.