مریم نواز احتساب عدالت میں پیشی کے بعد واپس لاہور پہنچ گئیں

جمعرات 19 اکتوبر 2017 21:19

لاہور(اُردو پوائنٹ اخبارتازہ ترین - این این آئی۔ 19 اکتوبر2017ء) سابق وزیراعظم نوازشریف کی صاحبزادی مریم نواز احتساب عدالت میں پیشی کے بعد اسلام آباد سے واپس لاہور پہنچ گئیں ۔ بتایاگیا کہ مریم نواز احتساب عدالت میں پیشی کے لئے لاہور سے اسلام آباد گئیں تھیں ۔

(جاری ہے)

گزشتہ روز احتساب عدالت میں پیش ہوئیں جہاں نیب ریفرنسز میں نوازشریف، مریم نواز اور ان کے شوہر کیپٹن (ر) صفدر پر فرد جرم کی گئی ۔پیشی کے بعد مریم نواز اپنی صاحبزادی کے سسر چوہدری منیر کی ایف 6میں واقع رہائش گاہ چلی گئیں ۔ بعد ازاں وہ اسلام آباد سے لاہور پہنچ گئیں ۔ ان کی آمد کے موقع پر ائیرپورٹ پر سکیورٹی کے سخت انتظامات کیے گئے تھے ۔