چین انٹرنیٹ معیشت میں دنیا میں سرِ فہرست ، 4جی استعمال کرنیوالوں کی تعداد93 کروڑ

موبائل فون کے استعمال کی شرح100فی صد ، فائبر براڈبینڈ استعمال کرنیوالوں کی تعداد 27کروڑ، پانچ سالوں میں چائنہ ٹیلی کام نے مجموعی طور پر 5 کھرب چینی یوان کی سرمایہ کاری کی،صنعت اور مواصلات کی ترقی میں نمایاں پیش رفت ہوئی ،چین انٹرنیٹ کے حوالے سے طاقتور ملک کی تعمیر کو تیز کرے گا،چینی وزیر برائے صنعت اور مواصلات میاو یو

جمعہ 20 اکتوبر 2017 15:09

بیجنگ (اُردو پوائنٹ اخبارتازہ ترین - آئی این پی۔ 20 اکتوبر2017ء) چینی وزیر برائے صنعت اور مواصلات نے کہا ہے کہ انٹرنیٹ سے متعلق معیشت میں چین دنیا میں سرِ فہرست ہے،4جی استعمال کرنیوالوں کی تعداد93 کروڑ موبائل فون کے استعمال کی شرح100فی صد ، فائبر براڈبینڈ استعمال کرنیوالوں کی تعداد 27کروڑ، پانچ سالوں میں چائنہ ٹیلی کام نے مجموعی طور پر 5 کھرب چینی یوان کی سرمایہ کاری کی صنعت اور مواصلات کی ترقی میں نمایاں پیش رفت ہوئی ،چین انٹرنیٹ کے حوالیسے طاقتور ملک کی تعمیر کو تیز کرے گا۔

چائنہ ریڈیو انٹرنیشنل کے مطابق چینی کمیو نسٹ پارٹی کی انیسویں قومی کانگرنس کے مندوب ، چینی وزیر برائے صنعت اور مواصلات میاو یو نے کانگریس کے نیوز سینٹر میں منعقدہ بریفنگ میں کہا کہ گزشتہ پانچ سالوں میں چین کی صنعت اور مواصلات کی ترقی میں نمایاں پیش رفت ہوئی ہے ۔

(جاری ہے)

انہوں نے کہا کہ مستقبل میں چین مینو فیکچرنگ اور انٹر نیٹ کے حوالے سے طاقتور ملک کی تعمیر کی کوشش کرے گا۔

انہوں نے کہا کہ گزشتہ پانچ سالوں میں چین نے دنیا میں سب سے بڑے پیمانیپر انٹرنیٹ کو فروغ دیا ہے اور انٹرنیٹ کی ترقی کی رفتار کو تیز کرنے اور فیس کو کم کرنے میں ابتدائی پیش رفت حاصل ہوئی ہے ۔5جی کی تخلیق کو تیزی سے فروغ دیا جا رہا ہے ۔ انٹرنیٹ سے متعلق معیشت میں چین دنیا میں سرِ فہرست ہے۔ انہوں نے کہا گزشتہ کئی سالوں سے چین میں موبائل فون کے استعمال کی شرح سو فی صد کے قریب ہے ۔

موبائل فون صارفین کی تعداد ایک ارب اڑتیس کروڑ تک جا پہنچی ہے جو دنیا میں سب سے زیادہ ہے ۔ان صارفین میں 4جی انٹرنیٹ استعمال کرنے والے افراد کی تعداد ترانوے کروڑ ہے، یہ تعداد دنیا میں 4جی انٹرنیٹ استعمال کرنے والے صارفین کا چالیس فیصد سے زائد ہے ۔ اس کے علاوہ براڈبینڈ استعمال کرنے والے افراد کی تعداد تینتیس کروڑ ہے ۔ ان میں ستائیس کروڑ سے زائد افراد فائبر براڈبینڈ استعمال کرتے ہیں ۔

جو دنیا کاساٹھ فیصد سے زائد ہے ۔ مواصلات کی ترقی سے نہ صرف چینی شہروں میں بڑی پیش رفت ہوئی ہے بلکہ چین کی دیہی آبادی کو روابط میں آسانی ہوئِی ہے۔ گزشتہ پانچ سالوں میں چائنہ ٹیلی کام نے مجموعی طور پر پانچ کھرب چینی یوان کی سرمایہ کاری کی اور بیشتر سرمایہ کاری براہ راست چین کے دیہی علاقوں میں کی گئی ہے۔

متعلقہ عنوان :