سابق وزیراعظم محمد نواز شریف کی ولولہ انگیز قیادت میں پاکستان مسلم لیگ (ن) متحد ہے،وزیر قانون پنجاب رانا ثنااللہ کی نجی ٹی وی چینل سے گفتگو

ہفتہ 21 اکتوبر 2017 00:01

اسلام آباد ۔ (اُردو پوائنٹ اخبارتازہ ترین - اے پی پی۔ 21 اکتوبر2017ء) وزیر قانون پنجاب رانا ثنااللہ نے کہا ہے کہ سابق وزیراعظم محمد نواز شریف کی ولولہ انگیز قیادت میں پاکستان مسلم لیگ (ن) متحد ہے۔

(جاری ہے)

جمعہ کو ایک نجی ٹی وی چینل سے بات چیت کرتے ہوئے انہوں نے کہا کہ محمد نواز شریف آج بھی عوام کے مقبول ترین رہنما ہیں جنہوں نے ہمیشہ عوام کی فلاح و بہبود اور ترقی کے لیے کام کیا ہے۔ انہوں نے کہا کہ سابق وزیراعظم محمد نواز شریف ہی نے ملک بھر میں پاک چین اقتصادی راہداری سمیت عوامی فلاح و بہبود کے دیگر منصوبوں کو شروع کیا۔ رانا ثنااللہ کا کہنا تھا کہ محمد نواز شریف نے قومی اداروں کے ساتھ محاز آرائی کی پالیسی اختیار نہیں کی بلکہ اپنے مقدمات کا سامنا کر رہے ہیں۔