مسلم لیگ (ن) 2018ء کے عام انتخابات میں اپنی کارکردگی کی بنیاد پر حصہ لے گی،سینیٹر جاوید عباسی کی نجی ٹی وی چینل سے گفتگو

ہفتہ 21 اکتوبر 2017 00:01

اسلام آباد ۔ (اُردو پوائنٹ اخبارتازہ ترین - اے پی پی۔ 21 اکتوبر2017ء) پاکستان مسلم لیگ (ن) کے سینیٹر جاوید عباسی نے کہا ہے کہ پاکستان مسلم لیگ (ن) 2018ء کے عام انتخابات میں اپنی کارکردگی کی بنیاد پر حصہ لے گی۔ جمعہ کو ایک نجی ٹی وی چینل سے بات چیت کرتے ہوئے انہوں نے کہا کہ جماعت کے تمام اراکین محمد نواز شریف کی قیادت میں متحد ہیں۔

(جاری ہے)

انہوں نے دیگر سیاسی جماعتوں پر زور دیا کہ وہ اپنے متعلقہ حلقوں میں عوامی فلاح و بہبود پر خصوصی توجہ دیں۔

انہوں نے کہا کہ تمام تر تحفظات کے باوجود ملکی آئین و قانون کی بالادستی کے لیے سابق وزیراعظم محمد نواز شریف نے عدالت عظمیٰ کے احکامات پر عمل درآمد کیا۔ انہوں نے کہا کہ پاکستان مسلم لیگ (ن) نے ہمیشہ عدالتوں کا احترام کیا ہے اور قومی اداروں کی مضبوطی کے لیے کام کیا ہے۔ سینیٹر جاوید عباسی کا کہنا تھا کہ تمام دیگر سیاسی جماعتوں کو بھی اداروں کی مضبوطی کے لیے کام کرنا چاہیئے۔