لاہور، جناح ہسپتال کی ایم آر آئی مشین بدستور بیشتر ٹیسٹ کرنے سے محروم، اڑھائی ماہ گزرنے کے باوجود ایم آر آئی کی کوائلز نہ خریدی جا سکیں

پیر 23 اکتوبر 2017 21:04

لاہور (اُردو پوائنٹ اخبارتازہ ترین - آن لائن۔ 23 اکتوبر2017ء) جناح ہسپتال کی ایم آر آئی مشین بدستور بیشتر ٹیسٹ کرنے سے محروم، اڑھائی ماہ گزرنے کے باوجود ایم آر آئی کی کوائلز نہ خریدی جا سکیں، جناح ہسپتال میں ایم آر آئی مشین پر برین سکین اور پیٹ کا سکین کرنے کے لئے کوائلز موجود ہیں، برین اور پیٹ کے سکین کے لئے مریض دوسرے ہسپتالوں سے رجوع کرنے پر مجبور ہیں، ایم آر آئی مشین فعال نہ ہونے سے علاج معالجہ تعطل سے دو چار ہے، نیوروسرجری اور نیورولوجی کے مریض بھی شدید مشکلات کا سامنا کرتے ہیں اور دوسرے ہسپتالوں سے رجوع کرتے ہیں، محکمہ صحت کی جانب سے اڑھائی ماہ گزرنے کے بعد بھی جناح ہسپتال میں کوائلز فراہم نہ کی جا سکیں جو ایم آر آئی مشین کے مکمل فعال نہ ہونے کا بڑا مسئلہ ہے۔