ڈپٹی کمشنر پشاور کا ضلع میں خود کار اسلحہ کو سیمی آٹومیٹک اسلحہ میں تبدیل کرنے کیلئے مجاز آرمز ایند ایمونیشن ڈیلرز/ مینو فیکچررز کااعلان

جمعہ 19 جنوری 2018 23:05

پشاور(اُردو پوائنٹ اخبارتازہ ترین - آن لائن۔ 19 جنوری2018ء) محکمہ داخلہ وقبائلی امور حکومت خیبرپختونخوا کی ہدایات کی پیروی کرتے ہوئے ڈپٹی کمشنر پشاور نے ضلع پشاور میں آٹومیٹک اسلحہ کو سیمی آٹومیٹک اسلحہ میں تبدیل کرنے کے لئے مجاز آرمز ایند ایمونیشن ڈیلرز/ مینو فیکچررز کااعلان کیا ہے ۔

(جاری ہے)

تفصیلات کے مطابق جی ٹی روڈ پشاور پرواقع مجاز آرمز اینڈ ایمونیشنز ڈیلرز میں ایم / ایس ہاشم علی خان، ایم /ایس زرین خان، ایم /ایس لعل محمد ،ایم/ ایس نیوفرنٹیرآرمزکمپنی ،ایم /ایس فرہاد اور ایم/ ایس یونائٹیڈ آرمز شامل ہیںجبکہ سمال انڈسٹریل سٹیٹ کوہاٹ روڈ پشاورپرواقع مجاز آرمز اینڈ ایمونیشن ڈیلرزمیں ایم /ایس مجیدگل آرمز کمپنی ،ایم /ایس نیوکلاسک آرمز کمپنی ،ایم /ایس ظفر سنز آرمری اور ایم/ ایس حمزہ آرمز کمپنی شامل ہیں۔

مجاز ڈیلرز / مینو فیکچررز کو آٹومیٹک اسلحہ سے سیمی آٹومیٹک اسلحہ میں تبدیل کرنے کا سرٹیفیکیٹ دینے اور اس تما م اسلحہ کاریکارڈ بھی رکھنے جسے متعلقہ آرمزاینڈ ایمونیشن ڈیلرز / مینوفیکچررزنے تبدیل کردیا ہوکی ہدایت کی گئی ہے۔ اس امر کااعلان ڈپٹی کمشنر پشاور کی جانب سے جاری اعلامیے میں کیاگیا۔