پشاور زلمی کے خلاف میچ میں ٹیم کی بدقسمتی کی وجہ سے ہارے،

اگلے سال بہتر پرفارمنس دیں گے،معین خان ہمارے بلے بازوں سے کافی غلطیاں ہوئیں ،ْمیچ کا ٹرننگ پوائنٹ ایک اوور میں ہماری دو وکٹوں کا گرنا تھا ،ْ میڈیا سے گفتگو

بدھ 21 مارچ 2018 14:11

لاہور (اُردو پوائنٹ اخبارتازہ ترین - این این آئی۔ 21 مارچ2018ء) کوئٹہ گلیڈی ایٹرز کے ہیڈ کوچ معین خان نے کہا ہے کہ پشاور زلمی کے خلاف میچ ٹیم کی بدقسمتی کی وجہ سے ہارے،اگلے سال بہتر پرفارمنس دیں گے ۔میڈیا سے گفتگو رکرتے ہوئے معین خان نے کہاکہ میچ میں ہمارے بلے بازوں سے کافی غلطیاں ہوئیں جبکہ میچ کا ٹرننگ پوائنٹ ایک اوور میں ہماری دو وکٹوں کا گرنا تھا ۔

(جاری ہے)

ہمارے بلے باز نے آخری گیند تک جیت کی کوشش کی، تاہم قسمت ہمارے حق میں نہ تھی ۔آخری اوور کی آخری گیند پر تین سکور چاہئے تھا بلے باز دو بنا لیتے تو میچ سپر اوور تک چلا جاتا ۔معین خان نے کہاکہ شین واٹسن سمیت دیگر غیر ملکی پلیئرز کمٹمنٹ کے باوجود پاکستان میچ کھیلنے کے لئے نہیں آئے جس کا نقصان کوئٹہ گلیڈی ایٹر کو ہوا ۔پی سی بی کو چاہئے کہ آئندہ انہیں پلیئرز کو ڈرافٹ میں شامل کرے جو پاکستان انے کے لئے رضا مندی ظاہر کریں ۔