بلندبانگ دعوؤں کے باوجود وزیراعلیٰ پرویزخٹک وزیراعلیٰ ہاؤس کے قریب چارکنال سے بڑے گھرمیں رہائش پذیر ہیں ،اپوزیشن اراکین خیبرپختونخوااسمبلی
پشاور(اُردو پوائنٹ اخبار آن لائن۔7مارچ۔2014ء)اپوزیشن اراکین خیبرپختونخوااسمبلی نے صوبائی حکومت کی شہ خرچیوں کوتنقیدکانشانہ بناتے ہوئے کہاہے کہ بلندبانگ دعوؤں کے باوجود وزیراعلیٰ پرویزخٹک وزیراعلیٰ ہاؤس کے قریب چارکنال سے بڑے گھرمیں رہائش پذیر ہیں اورانہیں بھی ماضی کے وزرائے اعلیٰ کی طرح پروٹول اورمراعات دی جارہی ہیں ،وقفہ سوالات کے دوران مفتی سید جانان کے سوال پر اپوزیشن اراکین نے کہاکہ وزیراعلیٰ کے پاس اس وقت دستاویزات میں دوگھرہیں جبکہ وزیراعلیٰ نے دعویٰ کیاتھاکہ وہ وزیراعلیٰ ہاؤس میں نہیں ٹھہریں گے جبکہ حقیقت یہ ہے کہ وہ وزیراعلیٰ ہاؤس کے قریب چارکنال گھرمیں قیام پذیر ہیں تحریک انصاف نے انتخابات میں صرف وعدے کئے تھے اپوزیشن اراکین نگہت اورکزئی،سکندرشیرپاؤاورسرداربابک نے کہاکہ اس وقت وزیراعلیٰ ہاؤس کی مرمت پربھی کثیررقم خرچ ہورہی ہے تو وزیراعلیٰ وہاں پر کیوں نہیں رہ رہے ہیں؟ حالانکہ حکومت نے دعویٰ کیاتھاکہ یہاں پر یونیورسٹی تعمیر کی جائے مگرنہ یونیورسٹی بنی اور نہ ہی لائبریری۔
(جاری ہے)
مزید متعلقہ خبریں پڑھئیے :
متعلقہ عنوان :
