سعودی عرب کے پاس 120بیلسٹک میزائل ہو سکتے ہیں، ’وال اسٹریٹ جرنل،سعودی عرب کواب اپنی سلامتی کے لئے امریکا کی سیکورٹی ضمانت پراعتماد نہیں،اگر خلیجی ریاستوں نے اپنے ڈیٹرنس کے لئے جوہری ہتھیار حاصل کیے تو سعودی عرب پاکستان سے وار ہیڈز حاصل کرنے کے قابل ہوجائے گا، امریکی اخبار کا دعوی
کراچی(اُردو پوائنٹ اخبار آن لائن۔6مئی۔ 2014ء)امریکی اخبار”وال اسٹریٹ جرنل “لکھتا ہے کہ سعودی عرب کے پاس 120بیلسٹک میزائل ہو سکتے ہیں، سعودی عرب کواب اپنی سلامتی کے لئے امریکا کی سیکورٹی ضمانت پراعتماد نہیں،اگر خلیجی ریاستوں نے اپنے ڈیٹرنس کے لئے جوہری ہتھیار حاصل کیے تو سعودی عرب پاکستان سے وار ہیڈز حاصل کرنے کے قابل ہوجائے گا۔
مشرق وسطی میں میزائل دوڑ کا آغاز ہو چکا ہے۔سعودی عرب نے پہلی باربیلسٹک میزائل کی نمائش کی ہے۔رپورٹ کے مطابق سعودی عرب کے حکمرانوں نے ایک بڑی فوجی مشق کے دوران پہلی بار عوامی سطح پربیلسٹک میزائل کی پیریڈنگ کی۔اس موقع پر بحرین کے بادشاہ، ابو ظہبی کے ولی عہد ، کویت کے وزیر دفاع اور پاکستان کے آرمی چیف موجود تھے، اخبار کے مطابق اس سے یہ خیال نہ کیا جائے کہ وہ پیغام بھیجنے کی کوشش نہیں کر رہے تھے۔
(جاری ہے)
ایسا نہ ہو کہ ایران ہتھیاروں کو پہلے استعمال کرے اس لئے سعودی عرب خود کو اسلحے سے لیس کررہا ہے۔ ڈیٹرینس کے لئے جوہری ہتھیاروں کو لے جانے کا بیلسٹک میزائل پسندیدہ طریقہ بن جائے گا۔ سعودی عرب نے پہلے ہی پیغام دے دیا ہے کہ پاکستان کے ساتھ اس کا قریبی تعلق ہے جو پہلے ہی ایٹمی طاقت ہے۔ اگر مصر ،ترکی یا دیگر خلیجی ریاستیں اپنا جوہری ڈیٹرنس حاصل کریں گی تو سعودی عرب پاکستان سے وار ہیڈز خریدنے کے قابل ہو جائے گا۔امریکی صدر اوباما یا اس کے حکمت عملی سازوں یہ یقین کرنا چاہتے ہیں کہ یہ ہمارا مسئلہ نہیں ہے۔ لیکن بیلسٹک میزائل اور جوہری طاقتوں کا پھیلاوٴ جلد ہی مسائل پیدا کرے گا۔
مزید متعلقہ خبریں پڑھئیے :
