ایف سی اور دیوان گروپ کے مابین 113گاڑیوں کے سلسلے میں جاری تنازعہ کا خاتمہ، وزارت خزانہ نے امداد کی یقین دہانی کرادی،ایف سی دیوان گروپ کے نمائندوں نے معاہدے پر دستخط کر دئیے ،حکومت ملک سے عسکریت پسندی کے خاتمے کے سلسلے میں قانون نافذ کرنے والے اداروں کی بھرپور مدد کرے گی،وزیر خزانہ اسحاق ڈار ، وزیر خزانہ کی سعودی سفارت خانے کے چارج ڈی آفئیر جاسم الخالدی سے ملاقات
اسلام آباد(اُردو پوائنٹ اخبارآن لائن۔8 جنوری۔2015ء)فرنٹیئر کنسٹیبلری اور دیوان گروپ کے مابین 113گاڑیوں کے سلسلے میں 6سالوں سے جاری تنازعے کو ختم کرنے کے سلسلے میں وزارت خزانہ نے امداد کی یقین دہانی کرادی ایف سی دیوان گروپ کے نمائندوں نے معاہدے پر دستخط کر دئیے حکومت ملک سے عسکریت پسندی کے خاتمے کے سلسلے میں قانون نافذ کرنے والے اداروں کی بھرپور مدد کرے گی ان خیالات کا اظہار وفاقی وزیر خزانہ اسحاق ڈار نے ایک میٹنگ سے اظہار خیال کے دوران کیا میٹنگ میں فرنیٹیر کنسٹیبلری کے افسران اور دیوان گروپ کے نمائندوں کے علاوہ ایف بی آر کے افسران بھی موجود تھے ایف سی کو 113گاڑیوں کی فراہمی کے سلسلے میں دیوان گروپ اور ایف سی کے مابین سیلز ٹیکس ڈالر کی شرح میں اضافے کسٹم ڈیوٹی اور پینل سرچارج کا تنازعہ 2008سے چلا آرہا تھا اور دونوں ادارے ایک دوسرے پر الزامات عائد کر رہے تھے اس تنازعے کو حل کرنے کیلئے وزارت داخلہ نے وزارت خزانہ کو درخواست کی تھی اس سلسلے میں وفاقی وزیر خزانہ کی قیادت میں اس مسئلے کو حل کرنے کے لئے ایک میٹنگ کا انعقاد کیا گیاوزیر خزانہ اسحاق ڈار نے دیوان گروپ کو ہدایت کی کہ وہ موجودہ شرح کے مطابق ایف سی کے بقایا جات ادا کرے اور اگر اس رقم سے ایف سی کے حکام کو سیلز ٹیکس کسٹم ڈیوٹی ادا کرنے کا مسئلہ ہو تو اس سلسلے میں مذید ضروری فنڈز وزارت خزانہ فراہم کرے گی انہوں نے ایف سی حکام اور دیوان گروپ کو ہدایت کی کہ وہ ایک دوسرے کے خلاف دائردرخواستیں واپس کر لیں انہوں نے یقین دہانی کرائی کہ گاڑیوں پر عائد جرمانہ معاف کر دیا جائے گا انہوں نے دونوں ایف سی اور دیوان گروپ کو ہدایت کی کہ وہ اس سلسلے میں ایک معاہدے پر دستخط کرلیں تاکہ مسائل ختم ہوسکیں انہوں نے کہاکہ حکومت قانون نافذ کرنے والے اداروں کو درپیش ضروریات کو پورا کرنے اور انہیں عسکریت پسندی سے نمٹنے کے لئے بھرپور تعاؤن کرے گی اور ایف سی کو گاڑیوں کی فراہمی اسی سلسلے کی ایک کڑی ہے ۔
(جاری ہے)
مزید متعلقہ خبریں پڑھئیے :
