وزیراعظم کی زیر صدارت لاہور میں امن و امان کے حوالے سے اعلیٰ سطح کا اجلاس،وزیراعلیٰ پنجاب،وزیر داخلہ چوہدری نثار علی،رانا ثناء اللہ،آئی جی پنجاب،ہوم سیکرٹری پنجاب کی شرکت ، وزیراعظم کا جنوبی پنجاب میں آپریشن شروع کرنے کا اعلان،آپریشن کی نگرانی رانا ثناء اللہ کے سپرد ،دہشتگردوں کے خلاف بلا تفریق آپریشن کیا جائے ، آپریشن میں حصہ لینے والے کسی بھی ادارے کی طرف سے کوتاہی برداشت نہیں کی جائے گی، دہشت گرد بزدلانہ کارروائیوں سے ہمارے حوصلے پست نہیں کر سکتے وزیراعظم کا اجلاس میں اظہار خیال،جا ں بحق افراد کیلئے10،10 ،شدید زخمیوں کے لیے 3،3 ،معمولی زخمیوں کیلئے ڈیڑھ ڈیڑھ لاکھ روپے دینے کا بھی اعلان
لاہور(اُردو پوائنٹ اخبارآن لائن۔ 29مارچ۔2016ء) وزیراعظم محمدنواز شریف نے جنوبی پنجاب میں آپریشن شروع کرنے کا اعلان کرتے ہوئے کہا کہ دہشت گرد بزدلانہ کارروائیوں سے ہمارے حوصلے پست نہیں کر سکتے ، دہشت گردی کا خاتمہ قومی عزم ہے ، ملک میں قیام امن تک دہشت گردوں کیخلاف جنگ جاری رہے گی۔ان خیالات کا اظہار انہوں نے لاہور میں اپنی زیر صدارت امن امان کے حوالے سے ہونے والے اعلیٰ سطح کے اجلاس سے خطاب کرتے ہوئے کیا ، جبکہ وزیر اعظم نواز شریف اور وزیر اعلیٰ پنجاب شہباز شریف نے سانحہ لاہورمیں جاں بحق ہونے والے افراد کے لیے 10،10لاکھ،شدید زخمیوں کے لیے 3،3لاکھ جبکہ معمولی زخمی ہونے والے افراد کے لیے ڈیڑھ ڈیڑھ لاکھ روپے دینے کا اعلان بھی کیا گیا ہے، اجلاس میں لاہور سمیت پورے ملک کی سلامتی اور امن و امان کی صورتحال کا جائزہ لیا گیا،اس موقع پر وزیر داخلہ چوہدری نثار علی خان ،وزیر اعلیٰ پنجاب شہباز شریف،صوبائی وزیر قانون رانا ثناء اللہ،آئی پنجاب مشتاق سکھیرا اور پنجاب کے ہوم سیکٹری اعظم سلیمان بھی موجود تھے۔
(جاری ہے)
مزید متعلقہ خبریں پڑھئیے :
