وزیراعظم کا ویڈیولنک پر قومی اقتصادی کونسل اجلاس کی صدارت کا فیصلہ انتہائی تشویشناک ہے،قومی مفادات پر مسلسل سمجھوتے کئے جارہے ہیں، عمران خان
ویڈیولنک کے ذریعے وزیراعظم کے اجلاس پر اعتراض نہیں، ٹیکنالوجی سے متعلق قانون سازی کی ضرورت ہے،ڈاکٹرعارف علوی
اسلام آباد( اُردو پوائنٹ اخبارآن لائن۔31 مئی۔2016ء) پاکستان تحریک انصاف کے چیئرمین عمران خان نے کہا ہے کہ دنیا کے کسی بھی جمہوری ملک میں اس طرح حکومتی انتظامات نہیں چلائے جاتے جیسے ن لیگ چلا رہی ہے، وزیراعظم کی جانب سے ویڈیولنک پر قومی اقتصادی کونسل کے اجلاس کی صدارت کا فیصلہ انتہائی تشویشناک ہے۔ مرکزی میڈیا سیل سے جاری بیان کے مطابق چیئر مین پی ٹی آئی نے کہا کہ وزیراعظم کا غیر محفوظ ویڈیو لنک کے ذریعے قومی اقتصادی کونسل کے اہم ترین اجلاس کی صدارت کا اعلان سنگین خطرات کا حامل ہے، متوسط سے سائبر وسائل کے حامل جاسوس ادارے کے لیے پاکستان کی اقتصادی منصوبہ بندی کے حوالے سے اہم ترین گفتگو تک رسائی مشکل کام نہیں ہے، ملکی مفادات کے تحفظ کی خاطر اہم معلومات کی باضابطہ تشہیر سے قبل انہیں صیغہء راز میں رکھا جاتا ہے، وزیراعظم کی رازوں سے بھرپور علالت اور عدم موجودگی کے باعث قومی مفادات پر مسلسل سمجھوتے کئے جارہے ہیں۔
(جاری ہے)
مزید متعلقہ خبریں پڑھئیے :
