حکومت سندھ لاڑکانہ کے ٹھیکیدار اسد کھرل کی گرفتاری کے بعد پریشانی کا شکار
اسد کھرل کو گزشتہ شب حیدرآباد سے گرفتار کرنے کے بعد کراچی منتقل کیا گیا،نیب اور رینجرز نے تفتیش شروع کردی وزیر داخلہ سندھ کی اسد کھرل کو پولیس کی تحویل میں دینے کیلئے حکمت عملی تیاری کرنے کی ہدایت
کراچی(اُردو پوائنٹ اخبارآن لائن۔23جولائی۔2016ء)حکومت سندھ لاڑکانہ کے ٹھیکیدار اسد کھرل کی گرفتاری کے بعد پریشانی کا شکار ہوگی ہے اب اہم راز طشت ازبام ہونے والے ہیں ، ذرائع نے بتایا ہے کہ اسد کھرل کو گزشتہ شب حیدرآباد سے گرفتار کرنے کے بعد کراچی منتقل کیا گیا ہے جہاں ان سے نیب اور رینجرز نے تفتیش شروع کردی ہے ، ذرائع نے بتایا ہے کہ اسد کھرل سے پچھلے 8 برسوں میں لاڑکانہ میں 117 ارب روپے کے ٹھیکوں کی تفصیلات کے بارے میں تفتیش کی جارہی ہے ، ذرائع کے مطابق ان سے دوسری تفتیش ان ایک درجن جرائم پیشہ افراد کے بارے میں کی جارہی ہے جن کی گرفتاری پر حکومت سندھ نے انعام مقررکررکھا ہے اس تفتیش کے بعد فیصلہ کیا جائے گا کہ اسد کھرل کے خلاف مقدمہ یا ریفرنس دائر کیا جائے یا نہیں ان کی گرفتاری کے بعد حکومت سندھ کی اہم شخصیات پریشان ہوگئی ہیں کیونکہ انہیں 200 سے زائد افراد کے بڑے جلوس کے بعد تھانہ سے زبردستی چھڑادیا گیاتھا۔
(جاری ہے)
مزید متعلقہ خبریں پڑھئیے :
