سانحہ ماڈل ٹاؤن کے قصاص کیلئے” جس طرف“ بھی جانا پڑا جائینگے: ڈاکٹر طاہر القادری

ملکی سا لمیت پر مسلسل حملوں پر وزیر اعظم کی خاموشی ا قبال جرم ہے،سربراہ عوامی تحریک تمام جماعتیں فروعی اختلافات بھلا کر پانامہ لیکس کے کرپٹ کرداروں کے خلاف باہر نکلیں دوسرے راؤنڈ کیلئے پارٹی رہنماؤں، اتحادی جماعتوں سے مشاورت کے بعد اہم اعلان کرینگے،کور کمیٹی اجلاس سے خطاب

جمعرات 8 ستمبر 2016 11:20

لاہور (اُردو پوائنٹ اخبارآن لائن۔8ستمبر۔2016ء) پاکستان عوامی تحریک کے سربراہ ڈاکٹر طاہر القادری نے کہا ہے کہ سانحہ ماڈل ٹاؤن کے قصاص کیلئے” جس طرف“ بھی جانا پڑا جائینگے۔ملکی سا لمیت پر مسلسل حملوں پر وزیر اعظم کی خاموشی ا قبال جرم ہے۔اپوزیشن کے سوالات کے جواب دینے کی بجائے وزیر اعظم نے سرکاری خرچے پر انتخابی مہم شروع کر دی ہے۔

پانامہ لیکس پر وزیر اعظم کے خاندان نے ایف بی آرسے کلین چٹ حاصل کر لی ۔ قاتل اورکرپٹ حکمران ملکی سا لمیت کیلئے بڑا خطرہ ہیں ۔ تمام جماعتیں فروعی اختلافات بھلا کر پانامہ لیکس کے کرپٹ کرداروں کے خلاف باہر نکلیں۔وہ عوامی تحریک کی کور کمیٹی کے اجلاس سے خطاب کر رہے تھے ،اس موقع پر ڈاکٹر حسن محی الدین ،سیکرٹری جنرل خرم نواز گنڈا پور، بشارت جسپال ،فیاض وڑائچ،بریگیڈئر (ر)محمد مشتاق ، احمد نوازانجم،فرح ناز ،مظہر علوی ،چودھری عرفان یوسف، فرحت حسین شاہ ،رانا محمد ادریس ،ساجد بھٹی ،جوا د حامد ، مرکزی سیکرٹری اطلاعات نور اللہ صدیقی موجود تھے۔

(جاری ہے)

ڈاکٹر طاہر القادری نے کہا کہ آل شریف کی ہٹ دھرمی،حقائق سے چشم پوشی اور نادان مشیروں نے انکو بند گلی میں لا کھڑا کر دیا ہے ،شریف برادران جب تک برسر اقتدار رہیں گے پانامہ لیکس،سوئس بنکوں میں پڑے 2سوارب اور نیب کے کرپشن سے متعلق 150سکینڈلز کی صاف اور شفاف تحقیقات ممکن نہیں ہیں ۔عوامی تحریک کے قصاص و سا لمیت پاکستان مارچ اور دھرنوں نے عوام کو اس قدر بیدار کر دیا ہے کہ اب پاکستان کے با شعور لوگ حکمرانوں کی نوسر بازیوں سے دھوکہ نہیں کھائیں گے ۔

ڈاکٹر طاہر القادری نے کہا کہ قومی ایکشن پلان کی راہ میں سب سے بڑی رکاوٹ بزدل حکمران ہیں ۔ٹھیکیداری اور کمیشن خوری میں مصروف حکمران عوام کے جان و مال کے تحفظ پر کیا توجہ دیں گے ؟۔ احتجاجی تحریک کے دوسرے راؤنڈ کیلئے پارٹی رہنماؤں اور کارکنوں سے مشاورت شروع کر دی گئی ہے، اتحادی جماعتوں سے مشاورت کے بعد اہم اعلان کرینگے۔اجلاس میں پٹرولیم مصنوعات پر جی ایس ٹی میں اضافہ کو غیر قانونی قرار دیا گیااورعید الضحیٰ سے قبل لوڈ شیڈنگ اور آٹے سمیت اشیائے خوردونوش کی قیمتوں میں اضافے کی شدید الفاظ میں مذمت کرتے ہوئے مصنوعی اضافہ واپس لینے کا مطالبہ کیا گیا ۔کور کمیٹی کے اجلاس میں قومی ایکشن پلان پر اسکی روح کے مطابق عمل کرنے کا بھی مطالبہ کیا گیا ۔

Facebook Twitter Google + Share on Whatsapp

مزید متعلقہ خبریں پڑھئیے‎ :

پاکستان کی سعودی عرب کو پی آئی اے اور ائیرپورٹس کی نجکاری میں جوائنٹ وینچر کی پیشکش

منگل 16 اپریل 2024 - 21:25

حافظ نعیم الرحمن سے جوناگڑھ فیڈریشن کے وفد کی ملاقات ،ْامیر منتخب ہونے پر مبارکباد

منگل 16 اپریل 2024 - 21:25

فواد چوہدری کوعبوری ضمانتیں کرانے کے لیے ایک ہفتے تک متعلقہ عدالتوں میں پیش ہونے کی مہلت

منگل 16 اپریل 2024 - 19:51

وزیراعلیٰ مریم نوازشریف کی مری ہسپتال آمد،نا کافی سہولتیں، مریضوں کی لمبی قطاریں ، ایم ایس پر اظہار برہمی

منگل 16 اپریل 2024 - 18:41

کوٹ لکھپت جیل میں عمر قید کاٹنے والا مجرم دل کا دورہ پڑنے سے جاں بحق

منگل 16 اپریل 2024 - 17:34

وزیر صحت خواجہ سلمان رفیق کا ری ویمپنگ منصوبے کا جائزہ لینے کیلئے سروسز ہسپتال کا دورہ

منگل 16 اپریل 2024 - 17:21

سانحہ ماڈل ٹاؤن کے قصاص کیلئے” جس طرف“ بھی جانا پڑا جائینگے: ڈاکٹر طاہر القادری

مزید متعلقہ خبریں پڑھئیے‎ :

متعلقہ عنوان :

جمعرات 8 ستمبر 2016 کی مزید خبریں