2018ء تک لوڈ شیڈنگ قصہ پارینہ ہوجائے گا ، امن ، ترقی اور خوشحالی قوم کا مقدر بنے گی ، نواز شریف
مخالفین ہماری ٹانگیں کھینچنے میں مصروف ہیں ، مخالفین مخالفت چھوڑ کر قوم کی ترقی کے سفر میں ہمارا ساتھ دیں ، پاک چین آئرن برادرز ہیں ، دوستی سے پورا خطہ مستفید ہوگا ، وزیر اعظم کا چشمہ تھری نیو کلیئر پاور پانٹ کی افتتاحی تقریب سے خطاب
جمعرات 29 دسمبر 2016 11:01
میانوالی(اُردو پوائنٹ اخبارآن لائن۔29دسمبر۔2016ء) وزیراعظم میاں نواز شریف نے کہا ہے کہ 2018ء تک لوڈ شیڈنگ قصہ پارینہ ہوجائے گا ، امن ، ترقی اور خوشحالی قوم کا مقدر بنے گی ، مخالفین مخالفت چھوڑ دیں ، قوم کی ترقی کے سفر میں ہمارا ساتھ دیں ، پاک چین آئرن برادرز ہیں ، دوستی سے پورا خطہ مستفید ہوگا ۔ وہ بدھ کے روز میانوالی کے علاقے چشمہ میں چشمہ تھری نیوکلیئر پاور پلانٹ کی افتتاحی تقریب سے خطاب کررہے تھے ۔
وزیراعظم نے کہا کہ قوم کو لوڈ شیڈنگ سے نجات دلانے کیلئے ایک سنگ میل عبور کرلیا ہے چشمہ نیوکلیئر تھری منصوبے کی تکمیل پرپوری قوم کو مبارکباد پیش کرتا ہوں یہ منصوبہ توانائی کے شعبے میں پاک چین باہمی دوستی ، محبت ، خلوص ، تعاون اور اشتراک کے ساتھ خطے کے ایک نئے دور کا آغاز بھی ہے۔(جاری ہے)
انہوں نے کہا کہ پاک چین دوستی خوشحالی ترقی ، امن کا پیغام ہے چین کے تعاون سے اس منصوبے کی تکمیل سے قوم کو روشنی ملے گی اور اندھیروں کا خاتمہ ہوگا ۔
وزیراعظم نے کہا کہ چشمہ دو اور تین پاور پلانٹس کی تعمیر بھی توانائی کے شعبے میں اہم پیش رفت ہے لیکن چشمہ چار بھی مقررہ وقت سے پہلے بجلی کی فراہمی شروع کرکے اندھیرے ہٹانے کا باعث بنے گا ۔ انہوں نے کہا کہ چین کے ساتھ چشمہ ون کا معاہدہ بھی ہمارے پہلے دور میں ہوا اوراب دونوں ملکوں کے درمیان جوہری توانائی کے شعبے میں باہمی اشتراک کو بڑھائے گا ،یہ اعزاز پھر مسلم لیگ (ن) کو حاصل ہوا ہے جو اس بات کا ثبوت ہے کہ ملک کو توانائی کے شعبے میں خود کفیل بنانے کیلئے (ن) لیگ وژن رکھتی ہے جب کہ دوسری جماعتیں وعدے اور دعوے کرکے اقتدار کے مزے حاصل کرنا چاہتے ہیں ۔ وزیراعظم نے کہا کہ چشمہ کے پاور پلانٹس انتہائی اہمیت کے حامل ہیں یہاں سے عوام کو سستے داموں بجلی کی فراہمی جاری ہے اور چشمہ تھری اور فور کی بجلی فراہمی سے عوام کو مزید سستی بجلی ملنے میں مدد ملے گی جبکہ چشمہ ٹو اور تھری سے 2030ء تک 8800 اضافی میگا واٹ بجلی ملے گی جس سے خوشحالی اور ترقی عوام کا مقدر بنے گی انہوں نے کہا کہ نیوکلیئر پاور پلانٹ کی بنیاد رکھ دیناپوری قوم کے لئے باعث مسرت ہے کہ پاکستان نے توانائی کے شعبے میں خود انحصاری حاصل کرنے کی جانب قدم بڑھایا ہے ۔ انہوں نے کہا کہ تکنیکی اور معاشی مدد فراہم کرنے پر چین کی اٹامک انرجی اور کارپوریشن کا بھی شکریہ ادا کیا وزیراعظم محمد نواز شریف نے کہا کہ وطن عزیز سے لوڈ شیڈنگ کا خاتمہ ہماری ترجیحات میں سرفہرست ہے اور گزشتہ تین سالوں میں کئے گئے اقدامات سے لوڈ شیڈنگ میں کمی آئی ہے اور توقع ہے کہ 2018ء تک لوڈ شیڈنگ کے مسئلے کا مکمل خاتمہ ہوجائے گا انہوں نے کہا کہ ملکی ترقی کیلئے توانائی منصوبوں کا قیام ناگزیر ہے اٹامک انرجی کمیشن کو ہدایت کرتا ہوں کہ منصوبوں کی بروقت تکمیل کیلئے اپنی کوششیں بروئے کار لا کر اضافی بجلی عوام کو فراہم کرنے میں اپنا کردار ادا کرے نیوکلیئر شعبوں کو وسعت دینے کے ساتھ اٹامک انرجی کمیشن کوحفاظتی اقدامات کو مدنظر رکھنا ہوگا جبکہ اس سلسلے میں عالمی معاہدوں کا پاس رکھ کر عملی طور پر توانائی منصوبوں کی حفاظتی اقدامات کو ممکن بنانے کیلئے اقدامات اٹھانا ہوں گے وزیراعظم نواز شریف نے کہا کہ قوم کو توانائی کے شعبے میں خود کفیل بنانے کیلئے موثر انداز میں کردار ادا کرنے والوں کی خدمات قابل تحسین ہیں آنے والی نسلیں آپ کی کوششوں کی تحسین کرینگی اور دعائیں دینگی آپ سب کی خدمات کے اعتراف پر میں آپ کے لئے دو مہینے کے بونس کا اعلان کرتا ہوں اور اللہ تعالیٰ سے دعا کرتا ہوں کہ آپ اور آپ کے خاندان تندرست صحت مند اور خوشحال رہیں ۔ انہوں نے کہا کہ چین کے ساتھ سی پیک کے تحت بہت سے منصوبے شروع ہوچکے ہیں اور اس کے ثمرات بھی عوام کے سامنے آرہے ہیں ان منصوبوں پرکام تیز رفتاری سے جاری ہے جس سے بجلی کے نرخ کم کئے جائینگے سرمایہ آئے گا تو مہنگائی میں کمی آئے گی بے روزگاری کا خاتمہ ہوگا روزگار بڑھے گا زراعت بڑھے گی تعلیمی ادارے بنیں گے صحت کے مراکز بنیں گے سڑکیں بنیں گی ترقی کی راہ ہموار ہوگی سندھ فاٹا بلوچستان پنجاب اور خیبر پختونخوا ایک دوسرے کے قریب آئنیگے تو نفرتیں ختم ہونگی محبت اور امن میں اضافہ ہوگا اور دہشتگردی سمیت مسائل کے ناسور ختم ہوں گے تو ترقی اور امن پاکستان کا مقدر بنے گی ۔ انہوں نے مزید کہا کہ پاکستان کے اندر اندھیرے پیدا کرنے والوں سے عوام کو ایک سوال پوچھتا ہوں کہ آخر کیوں توانائی کے شعبے کو نظر انداز کرکے ملک وقوم کے ساتھ ظلم کیا گیا ہے ؟ وزیراعظم نواز شریف نے کہا کہ ہم آہستہ آہستہ مناسب حکمت عملی کے تحت ملک کو ترقی کی راہ پر گامزن کررہے ہیں لیکن مخالفین ہماری ٹانگیں کھینچنے میں مصروف ہیں دھرنے دیکر کیا حاصل ہوا مخالفین دھرنے اور ذاتی مخالفت چھوڑ کر ہمارے ساتھ قوم کی تعمیر میں اپنا ساتھ دیکر ترقی کی گاڑی کو آگے بڑھائیں ۔ انہوں نے اس موقع پر توانائی منصوبوں میں کردار ادا کرنے پر چینی اداروں سمیت ملک کے اداروں کا بھی شکریہ ادا کیا ۔ قبل ازیں افتتاحی تقریب سے خطاب کرتے ہوئے پاکستان اٹامک انرجی کمیشن محمد نعیم نے وزیراعظم سمیت تقریب کے شرکاء کو ادارے کی کارکردگی اور توانائی کے جاری منصوبوں پر بریف کیا جبکہ چائنہ کے نیشنل نیوکلیئر کارپوریشن کے نائب صدر یو ٹیکن نے چشمہ تھری نیوکلیئر پاور پلانٹ کی افتتاحی تقریب سے خطاب کرتے ہوئے اس منصوبے پر دونوں ممالک کے عوام کو مبارکباد دی ور کہا کہ توانائی کے شعبے میں پاک چین تعاون دونوں ملکوں کے درمیان تزویراتی تعلقات کی عکاس ہے انہوں نے امید ظاہر کی کہ منصوبے پاکستان کی معاشی ترقی میں اہم کردار ادا کرینگےمزید متعلقہ خبریں پڑھئیے :
متعلقہ عنوان :
جمعرات 29 دسمبر 2016 کی مزید خبریں
-
پرویز مشرف پر اعتبار کرنا میری زندگی کی سب سے بڑی غلطی تھی، ڈاکٹر عبدالقدیر خان
-
بلاول بھٹو زرداری بہادر اور نڈر نوجوان ہے،شہباز تاثیر
-
سیالکوٹ میں عمران خان کی پار ٹی ”پی ٹی آئی“ کو دھچکا
-
شانگلہ : پی پی کے بانی رہنماء حاجی محمدانتقال کر گئے
-
کراچی کے بعد چکن گنیا وائرس شہر اقتدار میں بھی پہنچ گیا
-
مردان میں طالبات کیلئے پاکستان کی تاریخ کے پہلے گرلز کیڈٹ کالج کی منظوری دی جا چکی ہے،مشتاق احمد غنی
-
سوات، دیر، مالاکنڈ اور گردونواح میں زلزلے سے عوام میں خوف و ہراس پھیل گیا
-
پاکستان پیپلزپارٹی بدین سے تعلق رکھنے والے محفور یار علی، منان، فاروق ، سرفراز دیگر سینکڑوں افراد کے ہمراہ پاک سر زمین پارٹی میں شامل
-
اسلام آباد ، ای الیون میں ائر فورس کا سابق اہلکار اغواء
-
سوزوکی موٹرز نے اپنی نئی فور وئیل کار ”ویٹارا“ مارکیٹ میں متعارف کرادی
-
ہائیرایجوکیشن ڈپارٹمنٹ پنجاب نے دہشتگردی کے خطرے کے پیش نظر تمام جامعات اورکالجوں کو مراسلہ ارسال کردیا
-
کیا پاکستان نے کرکٹ کی تاریخ کا بدترین ریویو لیا؟
-
مشرق وسطیٰ میں قیام امن کاواحدحل2ریاستوں کاقیام ہے،جان کیری
-
کسی کو یہ اجازت نہیں دیں گے کہ وہ اسرائیل کو حقیر سمجھے، ڈونلڈ ٹرمپ
-
ترک فوج کی شام کے شہر الباب میں کارروائی، 44 جنگجو ہلاک،117زخمی
-
امریکی سائنسدانوں نے کم خرچ کاغذی بیٹری بنالی
-
امریکہ اور جنوبی کوریا میں قیادت کی تبدیلی کا فائدہ اٹھاتے ہوئے شمالی کوریا
-
بنگلادیش، سال نو جشن کے موقع پر دہشتگردانہ حملوں کی منصوبہ بندی کرنیوالے پانچ مشتبہ افراد گرفتار
-
رومانیہ کے صدر کیلئے مسلم خاتون کی راہ میں شوہر رکاوٹ بن گیا
-
2018ء تک لوڈ شیڈنگ قصہ پارینہ ہوجائے گا ، امن ، ترقی اور خوشحالی قوم کا مقدر بنے گی ، نواز شریف
-
آرمی چیف نے ترجمان طالبان مسلم خان سمیت 8 دہشتگردوں کی سزائے موت ،3 کی عمر قید کی توثیق کردی
-
اسلام آباد،وفاقی حکومت کا قرض اتارو ملک سنوارو سکیم کے تحت جمع کی گئی رقم واپس کرنے کا اعلان ،تمام بینکوں کو ہدایات جاری کردی جائیں گی
-
وزیر خزانہ اسحاق ڈار کی زیر صدارت ای سی سی کا اجلاس
-
عمران خان اور شیخ رشید کی ملاقات ،آصف زرداری کی پاکستان آمد اور آئندہ کے لائحہ عمل پر تبادلہ خیال
-
اسلام آباد،وزیرداخلہ چوہدری نثارعلی خان کا اٹارنی جنرل کے خط پرنوٹس
-
دیکھتے ہیں کہ پیپلزپارٹی پانامہ لیکس کے معاملے پر کیا پالیسی اختیار کرتی ہے، عمران خان
-
الیکشن کمیشن نے ضلع کونسل خوشاب کے چیئر مین کا الیکشن کالعدم قرار دیکر دوبارہ انتخابات کرانے کا حکم دیدیا
-
کور کمانڈر پشاور لیفٹیننٹ جنرل نذیر احمد بٹ کا دورہ شمالی وزیرستان
-
جمعیت علماء اسلام (ف) نے آرمی کے سینئر جنرل کو آرمی چیف بنانے کا بل لانے کا اعلان کر دیا
-
آصف زرداری اوربلاول کے پارلیمنٹ میں آنے کافیصلہ ملک کیلئے بہترہوگا،سید خورشید شاہ
-
اورنج لائن ٹرین منصوبے : متاثرین کو پراپرٹی اور پروفیشنل ٹیکس میں چھوٹ دینے کا فیصلہ
-
پاکستانی مداح کا سلمان خان کو سالگرہ پر انوکھا تحفہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.