اپنے گھر کو درست کرنے کے موقف پر قائم ہوں ، خواجہ آصف

اپنے گھر میں اگر مسئلہ نہیں تھا تو نیشنل ایکشن پلان کیوں بنایا افغان مسئلہ سیاسی طور پر حل کرنے کی تجویز دی ہے ، پاکستان کی سیاسی تاریخ میں اکتوبر بھاری رہا ہے ،وفاقی وزیر خارجہ خواجہ آصف میڈیا سے گفتگو

بدھ 11 اکتوبر 2017 18:07

اسلام آباد(اُردو پوائنٹ اخبار آن لائن۔ جمعرات 12 اکتوبر 2017ء)وفاقی وزیر خارجہ خواجہ آصف نے کہا کہ اپنے گھر کو درست کرنے کے موقف پر قائم ہوں ،اپنے گھر میں اگر مسئلہ نہیں تھا تو نیشنل ایکشن پلان کیوں بنایا افغان مسئلہ سیاسی طور پر حل کرنے کی تجویز دی ہے ، پاکستان کی سیاسی تاریخ میں اکتوبر بھاری رہا ہے ۔

(جاری ہے)

بدھ کو میڈیا سے گفتگو کرتے ہوئے خواجہ آصف نے کہا کہ امریکی حکام نے پاکستانی موقف تسلیم کیا ہے ، پاکستان نے افغان مسئلہ سیاسی طور پر حل کرنے کی تجویز دی ہے ، بھارت کے فغانستان میں کردار پر تحفظات بھی تسلیم کئے ہیں ، امریکی حکام سے کہا کہ محفوظ پناہ گاہوں کی نشاندہی کریں ، اپنے گھر کو درست کرنے کے موقف پر قائم ہوں ، اپنے گھر میں مسئلہ نہیں تھا تو نیشنل ایکشن پلان کیوں بنا ہماری سیاسی تاریخ میں اکتوبر بھاری رہا ہے ، حب الوطنی کا سرٹیفکیٹ کسی اور سے نہیں عوام سے لینا ہے ۔