16دسمبر وہ دن ہے جسے ہمیں کبھی نہیں بھولنا چاہیے ، ہمارے دشمن نے اس دن ہمیں پشاور میں زخم پہنچایا ، قومی عزم اور ایمان کے ذریعے دل گرفتہ واقعہ سے باہر آئے،

دشمن کی مکمل شکست کیلئے ابھی بہت کچھ کرنے کو باقی ہے ، قومی سطح پر نیشنل ایکشن پلان میں راستہ دیا ہوا ہے،آرمی چیف جنرل قمر جاوید باجوہ کی جہلم کے قریب فائرنگ رینج کے دورہ کے موقع پر گفتگو آرمی چیف نے رائفل ایسوسی ایشن کی37ویں نشانہ بازی مقابلے کی تقریب میں شرکت کی ، مقابلے میں 142سویلین اور 25 ٹیموں سمیت 811 نشانے بازوں نے حصہ لیا،آئی ایس پی آر

ہفتہ 16 دسمبر 2017 18:45

راولپنڈی(اُردو پوائنٹ اخبار آن لائن۔ ہفتہ 16 دسمبر 2017ء) آرمی چیف جنرل قمر جاوید باجوہ نے کہا ہے کہ 16دسمبر وہ دن ہے جسے ہمیں کبھی نہیں بھولنا چاہیے ، ہمارے دشمن نے اس دن ہمیں پشاور میں زخم پہنچایا ، دشمن کی مکمل شکست کیلئے ابھی بہت کچھ کرنے کو باقی ہے ، قومی سطح پر نیشنل ایکشن پلان میں راستہ دیا ہوا ہے ۔ہفتہ کو پاک فوج کے شعبہ تعلقات عامہ (آئی ایس پی آر) کے مطابق آرمی چیف نے جہلم کے قریب فائرنگ رینج کا دورہ کیا ۔

جہاں انھوںنے رائفل ایسوسی ایشن کی37ویں نشانہ بازی مقابلے کی تقریب میں شرکت کی ۔ مقابلے میں 142سویلین اور 25 ٹیموں سمیت 811 نشانے بازوں نے حصہ لیا۔پاکستان آرمی کی ٹیم سب سے زیادہ پوائنٹس کیساتھ چیمپئن قرار پائے ،ماسٹرایٹ آرمزکی ٹرافی بہاولپورکورکے حوالدارساجدبادشاہ نے حاصل کی۔

(جاری ہے)

آرمی چیف نے مارکس مین شپ کے شاندار معیار پر نشانے بازوں کی تعریف کی ۔

جنرل قمر جاوید باجوہ نے مقابلے میں فاتح ٹیموں کو ٹرافیاں اور میڈلز دیے ۔آرمی چیف نے کہاکہ نشانہ بازی سپاہی ہونے کی بنیادی مہارت میں سے ایک ہے ، نشانہ بازی میں مہارت قابل فخر کامیابی ہے ،16دسمبر وہ دن ہے جسے ہمیں کبھی نہیں بھولنا چاہیے ، ہمارے دشمن نے اس دن ہمیں پشاور میں زخم پہنچایا ،قومی عزم اور ایمان کے ذریعے دل گرفتہ واقعہ سے باہر آئے ۔انھوںنے کہاکہ دشمن کی مکمل شکست کیلئے ابھی بہت کچھ کرنے کو باقی ہے ، قومی سطح پر نیشنل ایکشن پلان میں راستہ دیا ہوا ہے ۔انھوںنے کہاکہ فوجی سطح پرپیشہ ورانہ مہارت کیساتھ حالات کارخ موڑا۔