بلوچستان کے مسلم لیگ (ن)، پی ٹی آئی، پختونخواہ ملی عوامی پارٹی اور اے این پی کے عہدیداروں کی پیپلز پارٹی میں شمولیت کا اعلان

پاکستان پیپلزپارٹی کو بلوچستان کے عوام میں پائی جانے والی تشویش اور احساس محرومی کے محرکات کا اندازہ ہے، سابق صدر آصف علی زرداری

پیر 12 فروری 2018 22:49

کراچی (اُردو پوائنٹ اخبار آن لائن۔ پیر 12 فروری 2018ء) سابق صدرپاکستان اور پاکستان پیپلزپارٹی پارلیمنٹیرین کے صدر آصف علی زرداری سے بلوچستان سے تعلق رکھنے والے مسلم لیگ(ن)، پی ٹی آئی، پختونخواہ عوامی ملی پارٹی اور عوامی نیشنل پارٹی کے عہدیداروں نے زرداری ہاس اسلام آباد میں ملاقات کرکے پاکستان پیپلزپارٹی میں شمولیت کا اعلان کیا۔

پیپلزپارٹی میں شمولیت کرنے والوں نے مسلم لیگ(ن) کے عہدیدار سحر گل، نذیر احمدکاکڑ، رضا محمد خلجی، سردار عالم خان، عدنان خان سہرانی، ناظم خان، شبیر احمد شامل ہیں جبکہ عوامی نیشنل پارٹی کے موسی جان خلجی اور پختونخواہ عوامی ملی پارٹی کے اختر خان شامل ہیں ان کے علاوہ عبدالمالک خلجی، فیصل شہزاد گوندل اور پی ٹی آئی کے ترجمان بلال اختر شامل ہیں۔

(جاری ہے)

پیپلزپارٹی میں شمولیت اختیار کرنے والے رہنماںنے کہا کہ بلوچستان کے عوام میں پائی جانے والی احساس محرومی ختم کرنے کے لئے آصف علی زرداری واحد سیاستدان ہیں جس کو ادراک ہے کہ وہ اپنی قائدانہ صلاحیتوں سے بلوچستان کے عوام کا وفاق پر اعتماد بحال کر سکتے ہیں۔ان رہنماں نے کہا کہ آغاز حقوق بلوچستان ایک بہترین پیشرفت تھی۔انہوں رہنماں نے کہا کہ پاکستان پیپلزپارٹی ہی واحد سیاسی پارٹی ہے جو چاروں صوبوں سے مساوی انصاف کرتی ہے۔

سابق صدر آصف علی زرداری نے پارٹی میں شمولیت اختیار کرنے والوں کا خیرمقدم کرتے ہوئے کہا کہ پاکستان پیپلزپارٹی کو بلوچستان کے عوام میں پائی جانے والی تشویش اور احساس محرومی کے محرکات کا اندازہ ہے۔ انہوں نے کہا کہ بلوچستان کی ترقی اور نوجوانوں کے بہترین مستقبل کا نقشہ ہے۔ انہوں نے کہا کہ خوشحال بلوچستان ترقی یافتہ اور پرامن بلوچستان پیپلزپارٹی کی قیادت کا خواب ہے۔انشااللہ اس خواب کی ضرورت تعبیر ہوگی۔ آصف علی زرداری نے وفد کو ہدایت کی کہ وہ پارٹی عہدیداروں اور کارکنوں سے مل کر کام کریں اور عوام تک یہ پیغام پہنچائیں کہ پیپلزپارٹی بلوچستان کے ساتھ ہونے والی ناانصافیوں کا ازالہ کرے گی۔