Aam Amrazz Or In Ke Ilaj - Article No. 1214
عام امراض اور ان کے علاج - تحریر نمبر 1214
علاج کے لیے مرض کا نفسیاتی تجزیہ کرنا اور اصل سبب دور کرنا دواؤں کے استعمال سے زیادہ اہم اور مفید ہے زیادہ تر بیماریوں کی جڑ غذامیں ہوتی ہے
بدھ 3 جنوری 2018
نظام ہضم ہمارے جسم کا سب سے زیادہ غیر متوازن نظام ہے اس نظام کا بہت سے بیماریوں کا سبب نفسیاتی نوعیت کا ہوتا ہے ان کے علاج کے لیے مرض کا نفسیاتی تجزیہ کرنا اور اصل سبب دور کرنا دواؤں کے استعمال سے زیادہ اہم اور مفید ہے زیادہ تر بیماریوں کی جڑ غذامیں ہوتی ہے مناسب غذا کے استعمال سے ان سے نجات حاصل کی جاسکتی ہے یہ بیماریاں عموماً مہلک نہیں ہوتیں لیکن زندگی کو بے مزہ ضرور کردیتی ہیں۔
منہ اورزبان کے چھالے: مردوں کی نسبت اور عورتیں اس بیماری کا زیادہ شکار ہوتے ہیں عموماً دانت نکالتے وقت بچوں کے منہ میں چھالے بن جاتے ہیں بڑوں میں اس کے اہم اسباب زیادہ تمباکو نوشی زیادہ گرم چائے یا کھانا،بدہضمی اورمنہ کی صفائی سے غفلت ہیں صحت کی کمزوری اور غیر متوازن غذا کا استعمال اس بیماری کے راہ ہموار کرتے ہیں عورتوں میں منہ پکنے کا سبب عموماً نفسیاتی نوعیت کا ہوتا ہے بعض اوقات بخار کے بعدبھی میں چھالے پڑجاتے ہیں۔
(جاری ہے)
علاج: منہ صاف رکھیں منہ میں یورک ایسڈ گلیسرین لگائیں اگر چھالے بہت زیادہ درد کررہے ہوں تو ان پر سلور نائٹریٹ لگوا کر درد سے نجات حاصل کی جاسکتی ہے اسپرین(اسپرو) بھی درد کو کم کردیتی ہے اگر بیمار بخار یا کسی دوسری بیماری سے صحت یاب ہورہا ہو یا اس کی صحت کمزور یو یااس کی غذا غیر متوازن رہی ہو تو اسے اچھی غذا دیں جس میں لمحی غذائیں(گوشت،مچھلی،دودھ انڈا وغیرہ)اور پھل اور سبزیاں بھی شامل ہوں بدہضمی کا علاج کرائیں تمباکو نوشی سے پرہیز ضروری ہے اگر چھالوں کا سبب کمزوری صحت ہو تو مناسب غذا کے علاوہ مریض کو وٹامن بی کمپلیکس (ہر چھ گھنٹے بعد دو گولیاں)کھلائیں۔اور اگر مریض کسی صدمے یا نفسیاتی کشمکش یا شکار ہو تو اسے دور کرنے کی کوشش کریں بعض اوقات منہ میں چھالے پڑنے کا سبب الرجی ہوتی ہے جو کسی نئی غذا یا مشروب یا نئے ٹوتھ پیسٹ کے استعمال سے ظاہر ہوتی ہے ایسی چیز کا استعمال روک دیں بعض اوقات جراثیم وائرس،فنگس،دھاتیں اور بعض اوقات منہ پکنے کا سبب بن سکتی ہے ان صورتوں میں گھر پر علاج کرنا مشکل ہوتا ہے اگر گھریلو طریقے کارگر نہ ہوں تو ڈاکٹر سے رجوع کریں۔
منہ سے بدبو آنا: سگریٹ نوشی نسوار کے استعمال منہ کی صفائی سے غفلت منہ پکنے اور دانتوں اور مسوڑھوں کی بیماریوں کے باعث منہ سے بدبو آنے لگتی ہے بعض اوقات دائمی زکام (یا بچوں میں ناک بہنے)سے بھی منہ سے بدبو آنے لگتی ہے قے اور بدہضمی بھی کبھی کبھار اس کا سبب بنتی ہے۔
علاج: اصل سبب دور کرنے کی کوشش کریں پیپر منٹ یا کلوروفل کی گولیاں چوسنے سے منہ میں تازگی آسکتی ہے کلوروفل والے(سبز)ٹوتھ پیسٹ بھی مارکیٹ میں عام دستیاب ہیں بعض اوقات پھیپھڑوں یا معدے کے گلنے سڑنے کے باعث منہ سے بدبو آنے لگتی ہے لیکن اس صورت میں متاثرہ شخص بری طرح بیمار ہوتا ہے ایسے شخص کو فوری طور پر ڈاکٹری معائنہ کرانا چاہیے۔
Browse More Ghiza Aur Sehat
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
روزہ اور صحت
Roza Aur Sehat
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
منقہ کھائے صحت پائے
Munakka Khaye Sehat Paye
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante
کیوی ۔ غذائیت اور افادیت سے مالامال فروٹ
Kiwi - Ghizaiyat Aur Afadiyat Se Malamaal Fruit
موسم ہے تو سرسوں کا ساگ ضرور کھائیں
Mausam Hai To Sarson Ka Saag Zaroor Khaain
دار چینی سپرفوڈ
Daar Cheeni Superfood
صحت مند دماغ کے حصول کے لئے انڈے کھائیے
Sehat Mand Dimagh Ke Husool Ke Liye Ande Khaiye
انڈوں کے بے شمار فوائد
Andon Ke Beshumar Fawaid