Ajinomoto - Mazzedar Magar Muzzar - Article No. 728
اجینو موتو۔ مزے دار، مگر مضر - تحریر نمبر 728
اجینو موتو سے غذاوٴں کا ذائقہ بڑھ جاتا ہے اسی لئے آپ اسے ہر ڈش میں ڈالنے پر مجبور ہو جاتے ہیں بازار میں جو غذائیں تیار کی جاتی ہیں مثلاََ آلو کے چیس ، سوپ، پیکٹ میں بند مسالے دار سویّاں (نوڈلز)، سلاد اور کیک وغیرہ
پیر 1 جون 2015
آپ کے ہاتھ میں آلو کے خستہ اور کرارے چپس کا پیکٹ ہے جو آپ مزے لے لے کر کھا رہے ہیں۔ آپ سوچتے ہیں کہ بس ایک پیکٹ ہی کھائیں گے لیکن کچھ دیر بعد ہی پیکٹ خالی ہو جاتا ہے اور آپ کی انگلیاں نہ سے ٹکرانے لگتی ہیں ۔ تب یہ خواہش ہوتی ہے کہ ایک پیکٹ اور کھانا چاہیے لیکن اس میں آپ کو کائی قصور نہیں ہے۔ یہ آپ کا دشمن چینی نمک (اجینو موتو) ہے۔ اس کے ذائقے کی بنا پر آپ چینی ریستورانوں کا رخ کرتے ہیں اور وہاں کھانا کھانے کے ایک گھنٹے بعد آپ کو پھر بھوک لگنے لگتی ہے۔
اجینو موتو سے غذاوٴں کا ذائقہ بڑھ جاتا ہے اسی لئے آپ اسے ہر ڈش میں ڈالنے پر مجبور ہو جاتے ہیں بازار میں جو غذائیں تیار کی جاتی ہیں مثلاََ آلو کے چیس ، سوپ، پیکٹ میں بند مسالے دار سویّاں (نوڈلز)، سلاد اور کیک وغیرہ ان میں ذائقہ پیدا کرنے کے لئے اجینو موتو ڈالا جاتا ہے۔
(جاری ہے)
اجینو موتو غذاوٴں میں ڈالنے سے مسحور کن خوشبو پیدا ہوتی ہے۔جس سے یہ محسوس ہوتا ہے۔کہ ہم کوئی لذیذ چیز کھا رہے ہیں۔آپ اسے رغبت سے کھائیں اور سارے کھانوں میں ڈالیں، لیکن یہ بات آپ کو یاد رکھنی چاہیے کہ یہ ایک کیمیائی جزو ہے اور آپ کو اس سے دور رہنا چاہیے۔
یہ کیمیائی جزو امینوترشہ(Amino Acid) ہے ، جو جسم میں پہلے سے موجود ہو تا ہے۔ اگر جسم میں اس کی مقدار بڑھ جائے تو فالج ہو سکتا ہے۔
جب ہم اجینو موتو کو مسالے دار سویوں میں دالتے ہیں تو مرغی کے گوشت کا مزہ اصل مرغی کے گوشت سے زیادہ آتا ہے۔ عابد ایک ریستوران کے مالک ہیں وہ اپنے ہاں جو بھی کھانا پکواتے ہیں اس میں اجینو موتو بالکل نہیں ڈالتے۔ وہ کہتے ہیں۔” اگر میں اجینو موتو میں پکا ہوا کھانا کھالوں تو میرا منھ خشک ہو جاتا، سانس پھولنے لگتا اور تیزابیت بڑھ جاتی ہے۔ “ عام ریستورانوں کے کھانوں میں ذائقہ پیدا کرنے کے لئے اس کا استعمال کیاجاتا ہے۔ اگر کھانوں میں ذائقہ پیدا نہیں ہو رہا تو آپ کو کھانا پکانے کا طریقہ تبدیل کرناچاہیے۔ آپ جو گرم مسالے استعمال کرتے ہیں ان کا توازن بہتر بنائیں تاکہ آپ جو گوشت اور سبزیاں پکائیں وہ مزید ذائقے دار بن سکیں۔
اجینو موتو کے پہلوئی اثرات میں سر درد کا ہونا۔ حد سے زیادہ تھکن، قے متلی، پسینے کی زیادتی اور چہرے پر چکناہٹ شامل ہے۔ اگر اسے مسلسل کھایا جائے تو اس سے ہائی بلڈ پریشر، ہارمونوں میں عدم توازن، سبزیوں سے الرجی، دمہ ،لعاب بننے میں کمی، سرطان اور خواتین میں بانجھ پن پیدا ہو سکتا ہے۔ بہترین طریقہ یہ ہے کہ آپ غذاوٴں میں گھر کے مسالوں سے ذائقہ پیدا کریں تاکہ اجینو موتو اور بازار کی ڈبا بند غذائیں مختلف قسم کی بیماریوں کا سبب نہ بنیں۔
Browse More Ghiza Aur Sehat
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
روزہ اور صحت
Roza Aur Sehat
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
منقہ کھائے صحت پائے
Munakka Khaye Sehat Paye
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante
کیوی ۔ غذائیت اور افادیت سے مالامال فروٹ
Kiwi - Ghizaiyat Aur Afadiyat Se Malamaal Fruit
موسم ہے تو سرسوں کا ساگ ضرور کھائیں
Mausam Hai To Sarson Ka Saag Zaroor Khaain
دار چینی سپرفوڈ
Daar Cheeni Superfood
صحت مند دماغ کے حصول کے لئے انڈے کھائیے
Sehat Mand Dimagh Ke Husool Ke Liye Ande Khaiye
انڈوں کے بے شمار فوائد
Andon Ke Beshumar Fawaid