Basyar Khori Kay Nuqsanat - Article No. 829
بسیارخوری کے نقصانات - تحریر نمبر 829
قداور عمر کے لحاظ سے ہمارا وزن کتنا ہونا چاہیے۔ ہمیں کیاکھانا اور کن چیزوں سے اجتناب کرنا چاہیے، اس کی طرف کوئی توجہ نہیں دیتا۔۔۔
جمعرات 3 دسمبر 2015
قداور عمر کے لحاظ سے ہمارا وزن کتنا ہونا چاہیے۔ ہمیں کیاکھانا اور کن چیزوں سے اجتناب کرنا چاہیے، اس کی طرف کوئی توجہ نہیں دیتا، جس کانتیجہ یہ ہوتا ہے کہ ہماراوزن روزبہ روز بڑھتا چلاجاتاہے اور ایک وقت ایسا آتاہے کہ ہم سخت ورزشیں کرکے بھی وزن نہیں گھٹاپاتے۔ الم غلّم غذاؤں (جنک فوڈز سے پیٹ بھرتے وقت ہم اپنے ساتھ یہ ظلم بھی کرتے ہیں کہ مقدار کا خیال نہیں کرتے۔ اگر کوئی چیز بہت مزے دار لگ رہی ہے توا س کے زیادہ کھانے کے نقصانات جانے بغیرہم بہت زیادہ کھابیٹھتے ہیں۔
دوبرس بیشتر جب مارک57سال کاتھا تو اس کاوزن حد سے زیادہ تھا۔جب اس نے یونی ورسٹی سے گریجویشن کیاتو اس کا وزن 75 کلوگرام تھا۔ پھر اس نے تمباکونوشی ترک کردی توبھوک کھل گئی اور اس نے آنکھیں بند کرکے کھانا شروع کر دیا، جس کانتیجہ یہ نکلا کہ پانچ سال بعد اس کاوزن 82کلو گرام ہوگیا۔
(جاری ہے)
وہ پستہ قامت نہیں تھا، اس لیے وہ بھاری بھرکم نہیں لگتا تھا۔ بہرحال وہ وزن کی زیادتی کاشکار ہوچکاتھا اور اسے نت نئی بیماریاں لاحق ہورہی تھی۔ اس کا کولیسٹرول بڑھ چکاتھا۔ اس کے خاندان میں مٹاپاعام تھا اور بہت سے افراد ذیابیطس کے مریض تھے۔ پھر اسے ہرنیا (Hernia) ہوگیا اور گھٹنے جواب دینے لگے۔ بے خوابی نے اسے پریشان کرنا شروع کردیا۔
اس نے معالج سے مشورہ کیاتو اس نے ہدایت کی کہ وہ اپنا کولیسٹرول کم کرے اور اس کی آسان سی ترکیب یہ ہے کہ وہ کولیسٹرول کم کرنے والی دوائیں کھائے یاپھر گوشت کھانا کم کردے۔ خون میں شکر کی سطح کم کرنے کے لئے مٹھائیاں کھانے کے بجائے پھلوں کارس پیے۔ بے خوابی دور کرنے کے لیے 15فیصد وزن کم کرے۔
معالج کی ہرہدایت اس بات کی طرف اشارہ کررہی تھی کہ وہ سادہ غذا کھاے۔ بسیارخوری کی عادت نے اسے اس حال کوپہنچا دیا۔ چنانچہ اس نے گوشت کھاما تقریباََ ترک کردیا۔ اس کے علاوہ نشاستے والی غذاؤں سے بھی پرہیز کرنے لگا، جن میں الم غلّم غذائیں اور میٹھی اشیا شامل تھیں، البتہ رات کے کھانے میں اس نے کوئی تبدیلی نہیں کی اور تھوڑا ساگوشت، روٹی، کوئی ایک پھل، سلادیا پھر سوپ پیتا رہا۔ اس کے ساتھ ہی اس نے ہفتے میں تین دن لمبی، چہل قدمی شروع کردی۔ اب اس کی ٹانگیں اور گھٹنے ساتھ دینے لگے تھے۔
گوشت میں لحمیات (پروٹینز) ہوتی ہیں، جو صحت کے لیے ضروری ہیں، اس لیے اس نے سبزیاں پھل ثابت اناج اور ہلکے نشاستے والی چیزیں کھانی شروع کردیں۔ یہ سب چیزیں کھاتے ہوئے اس عجیب سالگتا تھا، مگر ان سے یہ فائدہ ہواکہ بے خوابی ختم ہوگئی اور گہری نیند آنی شروع ہوگئی، اس لیے ان غذاؤں کوترک کرنا مناسب معلوم نہیں ہوا۔ دل چسپ بات یہ کہ ایک ہفتے میں اس کاوزن 7کلو گرام کم ہوگیا۔دومہینے کے بعد کولیسٹرول کی سطح اور خون میں شامل شکر بھی کم ہوگئی۔ اس کا کولیسٹرول 240 سے گھٹ کر 180ہوگیاتھا۔
چارہ ماہ بعد اس کاوزن16کلوگرام کم ہوگیا۔ اب اس کا وزن اتنا تھا، جتنا کہ گزشتہ 30برسوں میں بھی نہیں تھا۔ گویا یہ بسیار خوری تھی، جس سے بیماریاں لاحق ہورہی تھیں۔ طرززندگی تبدیل ہواتو بیماریاں بھاگ گئیں اور وہ صحت مند ہوگیا۔
جب اس نے ساری بیماریوں سے نجات پالی تو گوشت کھانا بھی شروع کردیا۔ اس کی غذامیں سفید گوشت، یعنی مرغی اور مچھلی زیادہ شامل تھی۔ الم علّم غذائیں بتدریج ترک کردیں۔ اس کے کھانوں میں ہرے پتوں والی سبزیاں شامل ہوچکی تھیں۔ جسم کودرکار 50فیصد حراروں کے لیے اب حیوانی لحمیات کے بجائے ایسی سبزیاں کھا رہا تھا، جن میں لحمیات ہوتی ہیں۔
وزن گھٹانے کے لیے کھانا نہیں چھوڑنا چاہیے، بلکہ چند مخصوص چیزیں چھجوڑ کرمتبادل غذائیں کھانی چاہییں۔ صحت بخش غذائیں جوہماری صحت کے لیے مفید ہیں، کھانی ضروری ہیں۔
Browse More Ghiza Aur Sehat
کھٹا میٹھا مزیدار انار
Khatta Meetha Mazedar Anar
بھنڈی ۔ جادوئی اثر رکھنے والی سبزی
Bhindi - Jadui Asar Rakhne Wali Sabzi
جو کا پانی
Jau Ka Pani
صحت کے لئے ہلدی بھی ضروری
Sehat Ke Liye Haldi Bhi Zaroori
ہم ٹماٹر کیوں کھائیں
Hum Tomato Kyun Khayen
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
روزہ اور صحت
Roza Aur Sehat
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
منقہ کھائے صحت پائے
Munakka Khaye Sehat Paye
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante