Khubani Mazedar Shirin Zaiqay Se Saja Sehat Bakhsh Phal - Article No. 1035
خوبانی مزیدار شیریں ذائقے سے سجا صحت بخش پھل - تحریر نمبر 1035
اس غذائیت بخش پھل کو استعمال کرکے جلد کے متعدد عوارض اور پٹھوں کے کھنچاؤ جیسے مسائل کو باآسانی خود سے دوربھگایاجاسکتا ہے خوبانی جیسے لوکیلوری فروٹ میں موجود وٹامن Cجسم کے مدافعتی نظام کو بھی طاقتور بناتا رہے اور اس میں موجود منرلز جسم میں خون کے سرخ خلیات کی تشکیل کے نظام کو بھی مضبوطی فراہم کرتے ہیں
پیر 14 نومبر 2016
آپ نے یہ مقولہ تو بار ہاسنا ہوگا کہ ایک سبب روزانہ آپ کو ڈاکٹر سے دوررکھتا ہے لیکن کیا آپ اس حقیقت سے بھی واقف ہیں کہ چند خوبانیاں روزانہ کھانے سے آپ تمام بیماریوں کو خود سے دور کر سکتے ہیں‘ اس شیریں وذائقے دار پھل میں موجود فائبر کی زائد مقدار آپ کو قبض جیسے موذی مرض سے محفوظ رکھتی ہے۔ یہ آپ کے نظام انہضام کو بہتر بناتا اور آنتوں کو صاف کرتا ہے ۔ علاوہ ازیں یہ اپنے اندر پوٹاشیم (Potassium) کی کثیر مقدار رکھتا ہے جو آپ کے بڑھے ہوئے بلڈپریشر ک کنٹرول میں لے آتا ہے اور ان سب سے قطع نظر خوبانی میں موجود بیٹا کیروٹین جلد کی تانبا کی میں اضافہ کرنے بالوں کو صحت مند بنانے اور آنکھوں کے امراض کاسدباب کرنے کے ساتھ ساتھ کینسرجیسے موذی مرض سے بھی محفوظ رکھنے میں اہم کردارادا کرتا ہے (اس کی ایک مثال ہمیں گلگت میں ملتی ہے جہاں کے لوگ سارا سال خوبانی کو اپنی غذامیں شامل رکھتے ہیں حتیٰ کہ اسے سکھا کر اچار اور چٹنی کے طور پر بھی استعمال کرتے ہیں اور ان علاقوں میں ابھی تک سرطان کی کوئی شکایت نہیں ہے )۔
(جاری ہے)
اس مزے دار پھل میں حیاتین اور معدنی نمکیات کافی مقدار میں پائے جاتے ہیں ۔ کیروٹینائڈز اور وٹامن Aجیسے حیاتین سے بھرپور خوبانی کو اگر باقاعدگی سے کھایا جائے تو یہ آپ کو عمر سے رابطہ رکھنے والے امراض چشم سے محفوظ رکھنے اور بصارت کو بہتر بنانے میں کلیدی کردار ادا کرسکتی ہے ۔
علاوہ ازیں اس میں آئرن (Iron) اور کاپر (Copper) بھی کثیر مقدار میں پائے جاتے ہیں جو جسم میں خون کے سرخ خلیات کی تشکیل کرنے والے نظام کی صلاحیتوں میں اضافہ کرتے ہیں یعنی جسم میں ہیموگلوبن بنانے میں مددگار ثابت ہوتے ہیں ‘ خوبانی میں موجود وٹامن Cآپ کے مدافعاتی نظام کو مضبوط بناتا ہے ۔
اس چھوٹے سے مزیدار اور منفرد پھل کی سب سے بڑی خصوصیت یہ ہے کہ اس میں موجودقدرتی شکر آپ کے میٹھا کھانے کی اشتہار کو بھی بخوبی پورا کردیتی ہے اور آپ وزن بڑھ جانے کے خوف میں بھی مبتلا نہیں ہوتیں کیونکہ یہ ایک لوکیلوری پھل ہے ا س لیے آپ جسم پرچربی کی دبیزتہہ چڑھ جانے سے بھی خود کو محفوظ ومامون بنالیتی ہیں ۔
اس غذائیت بخش فروٹ کواستعمال کرکے آپ جلد کے متعدد عوارض اور پٹھوں کے کھنچاؤ جیسے مسائل کو باآسانی خود سے دور بھگاسکتی ہیں اس کے علاوہ اس پھل میں موجود لائیکوپین آپ کو کینسر جیسے خطرناک اور موذی مرض سے بھی تحفظ فراہم کرتے ہیں۔
خوبانی کے سیزن میں اپنے اندر صحت بخشی کی لامحدود خوبیاں سموئے تازے پھل کے چند دانے روزانہ نوش جاں کریں یاپھر تازی وخوبانیوں سے مزے مزے کی ڈشز تیار کرکے منفردو مزیدار ذائقے کے حامل اس ننھے منے پھل کے بڑے بڑے صحت بخش فوائد سے مستفیدہوں۔
Browse More Ghiza Aur Sehat
کھٹا میٹھا مزیدار انار
Khatta Meetha Mazedar Anar
بھنڈی ۔ جادوئی اثر رکھنے والی سبزی
Bhindi - Jadui Asar Rakhne Wali Sabzi
جو کا پانی
Jau Ka Pani
صحت کے لئے ہلدی بھی ضروری
Sehat Ke Liye Haldi Bhi Zaroori
ہم ٹماٹر کیوں کھائیں
Hum Tomato Kyun Khayen
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
روزہ اور صحت
Roza Aur Sehat
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
منقہ کھائے صحت پائے
Munakka Khaye Sehat Paye
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante