Palak B Khaye - Article No. 1174
پالک بھی کھایئے - تحریر نمبر 1174
اگر پالک تازہ ہو اور اسے بھاب دی گئی ہو یا اسے جلدی سے اُبال لیا گیا ہو تو صحت بخش اجزا سے پُر رہتی ہے
پیر 6 نومبر 2017
پالک انتہائی مفید صحت سبزی ہے ۔ اس میں فولاد ہوتا ہے۔ خون کی کمی والے افراد کو پالک زیادہ کھانی چاہیے حقیقت یہ ہے کہ اگر آپ پالک کا دوسری سبزیوں سے مقابلہ کریں تو وہ اتنے مفیدِ صحت اجزا سے پُر نہیں ہوں گی، جتنی کہ پالک ۔ اگر پالک تازہ ہو اور اسے بھاب دی گئی ہو یا اسے جلدی سے اُبال لیا گیا ہو تو صحت بخش اجزا سے پُر رہتی ہے ۔ اس میں حیاتین الف، ج ، ای، ک ، ب، اور ب۲ جیسے مانع تکسید اجزا پائے جاتے ہیں۔ اس کے علاوہ اس میں پوٹاشیئم کیلسیئم اور جست جیسی معدنیات بھی خوب ہوتی ہیں۔ پالک فولک ایسڈ کے حصول کا بھی اچھا ذریعہ ہے۔ پالک میں پائے جانے والے فولیٹ سے اگر صحیح معنوں میں فائدہ اٹھانا چاہیں تو اسے اُبالنے کے بجائے بھاپ دے کر کھائیں۔
(جاری ہے)
اگر پالک کو زیادہ اُبالا جائے تو اس میں فولیٹ کی مقدار آدھی رہ جاتی ہے۔
پالک میں دیگر اہم ترین اجزا بھی موجود ہیں، جو صحت کے لیے انتہائی مفید ہیں۔ تحقیق سے پتا چلا ہے کہ اس میں درجن بھر سے زیادہ صحت بخش اجزا پائے جاتے ہیں۔ یہ اجزا ایسے طاقت ور مادّے ہیں، جو سرطان سے مقابلے کی خاصیت رکھتے ہیں۔ہمارے خون میں پایا جانے والا ہومیو سٹین نامی ایک مادّہ واضح طور پر مرض قلب کی نشان دہی کرتا ہے اور اگر اس کی سطح بہت بڑھ جائے تو یہ سمجھا جاتا ہے کہ فالج کا امکان بڑھ گیا ہے، تاہم پالک میں پایا جانے والا فولیٹ ہومیو سٹین کا توڑ کرتا ہے اور اس کے مضر اثرات کو ختم کردیتا ہے۔ خواتین پالک کھاتی رہیں تو چھاتی کے سرطان کا امکان کم ہوجاتا ہے۔ جولوگ جوڑوں کے درد میں مبتلا ہیں ، انھیں یہ جان کر خوشی ہوگی کہ پالک میں مانع ورم مادّے بھی ہوتے ہیں اور وہ لاکھوں کروڑوں لوگ جنھیں صحتِ قلب کی فکر رہتی ہے، پالک کی اس خصوصیات سے فائدہ اٹھا سکتے ہیں، اس لیے کہ یہ آزاد صلیبوں کا مقابلہ کرنے والے مانعِ تکسید اجزا کی حامل ہے۔ بڑھاپے میں پردہّ چشم کے انحاط کے علاوہ بعض دیگر امراض چشم بھی لاحق ہونے لگتے ہیں۔ ان لوگوں کے لیے بھی پالک مفید ہے ، کیوں کہ اس میں پایا جانے والالیوٹین نامی مادّہ نہ صرف پردہٴ چشم کے انحاط، بلکہ موتیا بند سے بھی محفوظ رہنے میں مددگار ہوتا ہے۔ اگر پالک کو کچا کھایا جائے تو بہت فائدہ مندہے۔ کھانے سے پہلے اسے اچھی طرح دھولیجئے اور سلاد میں شامل کیجئے۔ اگر پالک کو پکایا جائے تو خیال رکھیں کہ اسے زیادہ نہ پکایا جائے۔ اگر زیادہ پکایا جائے گا تو اس کے مفیدِ صحت اجزا کم یا ضائع ہوجائیں گے۔ پالک کی ایک خوبھی یہ بھی ہے کہ یہ سبزی ایشیائی ممالک میں تقریباََ ہر موسم میں ملتی ہے اور کم قیمت پر دستیاب ہے، لہٰذا اپنی اس قدر اہمیت اور افادیت کی وجہ سے اسے ہفتے میں تین چار بار ضرورکھانا چاہیے۔Browse More Ghiza Aur Sehat
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
روزہ اور صحت
Roza Aur Sehat
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
منقہ کھائے صحت پائے
Munakka Khaye Sehat Paye
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante
کیوی ۔ غذائیت اور افادیت سے مالامال فروٹ
Kiwi - Ghizaiyat Aur Afadiyat Se Malamaal Fruit
موسم ہے تو سرسوں کا ساگ ضرور کھائیں
Mausam Hai To Sarson Ka Saag Zaroor Khaain
دار چینی سپرفوڈ
Daar Cheeni Superfood
صحت مند دماغ کے حصول کے لئے انڈے کھائیے
Sehat Mand Dimagh Ke Husool Ke Liye Ande Khaiye
انڈوں کے بے شمار فوائد
Andon Ke Beshumar Fawaid