زیادہ میٹھے مشروبات کا استعمال عارضہ قلب اور ذیابطیس کا باعث بنتے ہیں،آسٹریلوی ماہرین

پیر 5 جون 2017 15:38

میلبورن ۔ (اُردو پوائنٹ اخبارتازہ ترین - اے پی پی۔ 05 جون2017ء) آسٹریلوی ماہرین نے کہا کہ ذیادہ میٹھے مشروبات کا استعمال عارضہ قلب اور ذیابطیس کا باعث بنتے ہیں۔

(جاری ہے)

میلبورن میں بیکر ہارٹ اینڈ ڈائبیٹیز انسٹی ٹیوٹ کے ماہرین کی تازہ تحقیق کے مطابق آسٹریلیا کی چند نامی گرامی مشروبات بنانے والی کمپنیاں میٹھے مشروبات کی تیاری میں امریکہ میں تیار ہونے والے میٹھے مشروبات کی نسبت ذیادہ چینی استعمال کرتی ہیں جس سے آسٹریلیا میں عارضہ قلب اور ذیابطیس سے متاثرہ مریضوں اور ہلاکتوں کی تعداد میں نمایاں اضافہ ہوا ہے۔

ماہرین کے مطابق میٹھے مشروبات میں وافر مقدار میں کاربوہائیڈریٹ موجود ہوتے ہیں اورکاربوہائیڈریٹ کا ذیادہ استعمال صحت کے لئے سخت نقصان دہ ہے اور مہلک امراض کا باعث ہوتا ہے۔اسی لئے آسٹریلیا کی حکومت نے ایسے مشروبات پر 20 فیصد ٹیکس عائد کیا ہے تاکہ لوگ ایسے مشروبات کا استعمال ترک کر دیں اور ذیادہ سے ذیادہ جانوں کو بچایا جا سکے،ماہرین کی اس حوالے سے مزید تحقیقات جاری ہیں۔

Facebook Twitter Google + Share on Whatsapp

زیادہ میٹھے مشروبات کا استعمال عارضہ قلب اور ذیابطیس کا باعث بنتے ہیں،آسٹریلوی ماہرین

مزید بین الاقوامی خبریں